قازاقستان • 20 ءساۋىر، 2021

2024 جىلعا دەيىن 19 قۇس فابريكاسى سالىنادى

11 رەت كورسەتىلدى

قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا اۋىلدىق جەرلەردە ءومىر ءسۇرۋ دەڭگەيىن ارتتىرۋ ماسەلەلەرى قارالدى. اۋىل شارۋاشىلىعى ءمينيسترى س. وماروۆ قازىرگى تاڭدا مينيسترلىك اگروونەركاسىپتىك كەشەندى دامىتۋ بويىنشا 2021-2025 جىلدارعا ارنالعان ۇلتتىق جوباسىن ازىرلەپ جاتقانىن ايتتى، دەپ حابارلايدى Egemen.kz.

ونىڭ نەگىزگى الەۋمەتتىك-ەكونوميكالىق مىندەتتەرى:

1 ملن اۋىل تۇرعىنىنىڭ تابىسىن تۇراقتى ارتتىرۋ;

70 مىڭ وتباسىلىق شارۋاشىلىق قۇرۋ;

500 مىڭعا جۋىق ادامدى اۋىل شارۋاشىلىعىندا جۇمىسپەن قامتۋ;

 350 مىڭ فەرمەرلىك جانە ءۇي شارۋاشىلىقتارىن تارتا وتىرىپ، 7 ەكوجۇيە قۇرۋ.

اتالعان مىندەتتەرگە قول جەتكىزۋ ءۇشىن اۋىلدا تۇراقتى جۇمىس ورىندارىن قۇرۋعا جانە اۋىل حالقىنىڭ تابىسىن ارتتىرۋعا مۇمكىندىك بەرەتىن ينۆەستيتسيالىق جوبالار ىسكە اسىرىلادى. جالپى رەسپۋبليكا بويىنشا بەس جىل ىشىندە 4،5 ترلن تەڭگە سوماعا 845 ينۆەستيتسيالىق جوبانى ىسكە اسىرۋ جوسپارلانۋدا. ونىڭ ىشىندە بيىل 335 ملرد تەڭگە سوماسىنا 285 جوبانى ەنگىزۋ جوسپارلانۋدا.

قازىرگى تاڭدا اتالعان ينۆەستيتسيالىق جوبالار وڭىرلەردىڭ اكىمدىكتەرىمەن جانە ينۆەستورلارمەن پىسىقتالدى. سايكەس جول كارتالارى بەكىتىلىپ، ونىڭ شەڭبەرىندە مينيسترلىك تۇراقتى تۇردە ولاردىڭ ىسكە اسىرىلۋىنا باقىلاۋ جانە مونيتورينگ جۇرگىزۋدە. 

«بۇل جوبالار مەملەكەت باسشىسىنىڭ 7 ءىرى ەكوجۇيەنى قۇرۋ جونىندەگى تاپسىرماسىنىڭ اجىراماس بولىگى بولادى، ونىڭ شەڭبەرىندە ءداندى جانە مايلى داقىلداردى، جەمىستەر مەن كوكونىستەردى، قانتتى، ەت پەن ءسۇتتى ءوندىرۋ جانە وڭدەۋ بويىنشا ەكوجۇيەنى قۇرۋ جونىندەگى ينۆەستيتسيالىق جوبالاردى ىسكە اسىرۋ جوسپارلانۋدا. ماسەلەن، سولتۇستىك قازاقستان وبلىسىندا استىق ءوندىرۋ جانە وڭدەۋ جونىندەگى «BioOperations» جشس زاكىرلىك كاسىپورنى بار ەكوجۇيەسى قۇرىلۋدا، ول استىق داقىلدارىن تەرەڭدەتە قايتا وڭدەۋ زاۋىتىن، قۇراما جەم زاۋىتىن، قۇس شارۋاشىلىعى كەشەنىن، ءسۇت-تاۋارلىق فەرماسىن جانە اتالعان كاسىپورىنداردى شيكىزاتپەن قامتاماسىز ەتەتىن اۋىل شارۋاشىلىعى وندىرۋشىلەرىن بىرىكتىرەدى. وڭىرلىك مامانداندىرۋدى ەسكەرە وتىرىپ، ەلدىڭ بارلىق وڭىرلەرىندە ۇقساس ەكوجۇيەلەر قۇرۋ جوسپارلانۋدا»،  دەدى اۋىل شارۋاشىلىعى ءمينيسترى.

جالپى يمپورتتى الماستىرۋ اياسىندا 2024 جىلعا دەيىن 19 قۇس فابريكاسىن، جىل سايىن 35 تاۋارلىق ءسۇت فەرماسىن، 9 ەت كومبيناتىن ىسكە قوسۋ، سونداي-اق جامبىل وبلىسىندا 1 جاڭادان قانت زاۋىتى قۇرىلىسى جوسپارلانعان. 6،6 مىڭ گا الاڭدا جاڭا قارقىندى باق وتىرعىزۋ كوزدەلگەن. بۇل جوبالاردى ەنگىزۋ اۋىلدا 20 مىڭعا جۋىق جۇمىس ورنىن قۇرۋعا مۇمكىندىك بەردى. 

سونىمەن قاتار «ەڭبەك» باعدارلاماسى اياسىندا الداعى بەس جىلدا اۋىلدا 250 ملرد تەڭگە سوماسىنا 50 مىڭ ميكروكرەديت بەرۋ جوسپارلانىپ وتىر.  اتالعان بادارلاما بويىنشا وتكەن جىلدىڭ وزىندە وسى ماقساتتارعا 43،2 ملرد تەڭگە باعىتتالدى، بۇل 11 مىڭنان استام ميكروكرەديت بەرۋگە مۇمكىندىك بەردى، ونىڭ 60%-ىن ستارتاپ-جوبالار قۇرايدى. باعدارلامانى ىسكە اسىرۋ اۋىلدا 11 مىڭ تۇراقتى جۇمىس ورنىن قۇرۋعا مۇمكىندىك بەردى. 

سونداي-اق، «سىباعا» باعدارلاماسى بويىنشا جەڭىلدەتىلگەن كرەديت بەرۋ اياسىندا 2025 جىلعا دەيىن ەتتى مال شارۋاشىلىعىندا 175 ملرد تەڭگە سوماسىنا 2500 شارۋاشىلىققا كرەديت بەرۋ جوسپارلانۋدا، ناتيجەسىندە 10 مىڭ جۇمىس ورنى قۇرىلادى.

قوي شارۋاشىلىعىندا «التىن اسىق» باعدارلاماسى بويىنشا 117،2 ملرد تەڭگە سوماسىنا 11 مىڭ شارۋاشىلىققا كرەديت بەرۋ جوسپارلانعان، بۇل 33 498 جۇمىس ورنىن قۇرۋعا مۇمكىندىك بەرەدى.

 «كەڭ دالا» باعدارلاماسى بويىنشا جىل سايىن كوكتەمگى دالا جانە ەگىن جيناۋ جۇمىستارىن جۇرگىزۋگە 70 ملرد تەڭگە كولەمىندە بيۋدجەتتىك كرەديت بولىنەدى. اعىمداعى جىلى 2400 تاۋار وندىرۋشىگە 3 ملن گا الاڭعا اۋىل شارۋاشىلىعى داقىلدارىن ەگۋ ءۇشىن جالپى سوماسى 70 ملرد تەڭگە قىسقا مەرزىمدى كرەديت بەرۋ كوزدەلگەن. بۇگىنگى كۇنى باعدارلاما شەڭبەرىندە 1923 اۋىل شارۋاشىلىعى ەڭبەككەرى جالپى سوماسى 63 ملرد تەڭگەگە قارجىلاندىرىلدى»،  دەدى س. وماروۆ. 

سونداي-اق، مەملەكەت باسشىسىنىڭ تاپسىرماسى بويىنشا وتكەن جىلدان باستاپ 24،5 ملرد تەڭگە سوماسىنا ءداندى جانە مايلى داقىلداردى كەپىلدى فورۆاردتىق ساتىپ الۋ تەتىگى ەنگىزىلدى جانە ىسكە اسىرىلدى، ناتيجەسىندە 516،9 مىڭ توننا ءداندى جانە مايلى داقىلدار ساتىپ الىندى. اعىمداعى جىلى 45،3 ملرد تەڭگە سوماعا فورۆادتىق ساتىپ الۋدى وتكىزۋ جوسپارلانىپ وتىر، ياعني بۇل وتكەن جىلمەن سالىستىرعاندا ەكى ەسەگە جۋىق كوپ.

اگروونەركاسىپتىك كەشەندى دامىتۋ كوبىنەسە اۋىلدىق اۋماقتاردى، ونىڭ ىشىندە اۋىلداعى الەۋمەتتىك جانە ينجەنەرلىك ينفراقۇرىلىمدى قولداۋ جونىندەگى باعدارلامالاردىڭ ءتيىمدى ىسكە اسىرىلۋىنا بايلانىستى. بۇل باعىتتا ۇكىمەت بەلسەندى تۇردە شارالار قابىلداۋدا، سونىڭ ىشىندە اۋىلدىق ەلدى مەكەندەردە تۇرعىن ءۇي قۇرىلىسىن ينجەنەرلىك-كوممۋنيكاتسيالىق ينفراقۇرىلىم جۇرگىزۋ جولىمەن دامىتۋ، اۋىل حالقىن سۋمەن جابدىقتاۋ قىزمەتتەرىمەن قامتاماسىز ەتۋ جانە اۆتوموبيل جولدارىن جوندەۋ بويىنشا شارالار قابىلداۋدا.  

بۇدان باسقا، اعىمداعى جىلى اۋىلدا تۇرعىن ءۇي سالۋدىڭ جاڭا تەتىگىن ەنگىزۋ جوسپارلانۋدا، ول اۋىلداردا قىزمەتكەرلەر ءۇشىن تۇرعىن ءۇي سالۋ كەزىندە جۇمىس بەرۋشى شىعىندارىنىڭ 50%-ىن سۋبسيديالاۋدى كوزدەيدى، بۇل اۋىلدىق جەرلەرگە جاس كادرلاردى تارتۋعا مۇمكىندىك بەرەدى. بۇل باستامانى اگروبيزنەس بىرنەشە رەت كوتەردى جانە ۇكىمەت ونى قولداپ وتىر. جالپى، ۇلتتىق جوبانى ىسكە اسىرۋ ناتيجەسىندە 5 جىل ىشىندە ەڭبەك ونىمدىلىگىن 2،5 ەسە ارتتىرىپ، سالاعا 4،5 ترلن تەڭگە ينۆەستيتسيا تارتۋعا مۇمكىندىك بەرەدى، بۇل ءوز كەزەگىندە 500 مىڭ ادامدى جۇمىسپەن قامتاماسىز ەتەدى.  

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار