اتاپ ايتقاندا, قاسىم-جومارت توقاەۆقا مەملەكەتتىك ساياساتتىڭ وزەكتى ماسەلەلەرى بويىنشا اقپاراتتىق-ءتۇسىندىرۋ جۇمىستارىنا, ونىڭ ىشىندە, ۆولونتەرلىك قوزعالىستى جانە ەكولوگيالىق اعارتۋ شارالارىن ودان ءارى دامىتۋعا, ەل تاۋەلسىزدىگىنىڭ 30 جىلدىعى اياسىندا اتقارىلاتىن ءىس-شارالاردى جۇزەگە اسىرۋعا قاتىستى بۇعان دەيىن بەرگەن تاپسىرمالاردىڭ ورىندالۋ بارىسى تۋرالى اقپارات بەرىلدى.
پرەزيدەنتكە «قوعامدىق كەڭەستەر تۋرالى» جانە «اقپاراتقا قول جەتكىزۋ تۋرالى» زاڭنامالارعا ەنگىزىلگەن جاڭا تۇزەتۋلەردىڭ جۇزەگە اسىرىلۋ بارىسى تۋرالى ايتىلدى.
سونداي-اق مينيستر مەملەكەت باسشىسىنىڭ قوعامدىق باقىلاۋ, ۆولونتەرلىك جانە قايىرىمدىلىق قىزمەت تۋرالى جاڭا زاڭ جوبالارىن ازىرلەۋ جونىندەگى تاپسىرمالارىنىڭ ورىندالۋى جايىندا باياندادى.
كەزدەسۋ سوڭىندا پرەزيدەنت مينيسترلىككە بىرقاتار ناقتى مىندەت جۇكتەدى.
