ەلوردا • 20 ءساۋىر، 2021

ەلوردالىق ۇلاندار ءۇش كۇندە 5 بالانى تاۋىپ، اتا-اناسىنا تابىستادى

34 رەت كورسەتىلدى

نۇر-سۇلتان قالاسىنىڭ ۇلتتىق ۇلان جاساعى ءۇش كۇننىڭ ىشىندە توسىن جايتتارعا تاپ بولدى. اسكەري جاساق ساربازدارى جوعالىپ كەتكەن 5 بالانى امان-ەسەن تاۋىپ، اتا-اناسىنا تابىستادى، دەپ حابارلايدى Egemen.kz

16 ءساۋىر كۇنى ساعات 15.30 شاماسىندا 5573 اسكەري ءبولىمىنىڭ ساربازدارى قىزمەت بارىسىندا ەرەسەك ادامسىز جالعىز جۇرگەن 3 جاسار بالانى كورەدى. بالاقاي ۇلاندىقتارعا ءوزىن ۆوۆا دەپ تانىستىرادى. ۆوۆانىڭ اناسى ءبىراز ۋاقىت ءوز ەركىمەن ۇلىن ىزدەپ، ناتيجە شىقپاعان سوڭ اسكەري جاساقتان كومەك سۇرايدى. ونىڭ ايتۋىنشا، ءبىر جاستاعى قىزى جىلاپ، سونى جۇباتۋ كەزىندە ۇلكەن بالاسى كوزدەن تاسا بولىپ كەتەدى. كوپ ۇزاماي ازاماتشا اسكەري جاساقپەن كەزدەسىپ، ۇلىمەن قاۋىشتى. 

ارادا ءبىر ساعاتتاي ۋاقىت وتكەندە جەدەل قۇرامنىڭ تاعى ءبىر اسكەري جاساعى ەسىل وزەنىنىڭ بويىندا قوعامدىق ءتارتىپتى كۇزەتىپ جۇرگەندە قولىندا ساموكاتى بار، 5 جاس شاماسىنداعى الاڭداۋلى بالانى كەزدەستىرەدى. ۇلاندىقتار ونى توقتاتىپ، ءمان-جايدى سۇراماق بولادى. بىراق، ول جەردە قايدان جۇرگەنىن، نە ءۇشىن جۇرگەنىن ءتۇسىندىرىپ ايتا المايدى. 20 مينۋتتان كەيىن پوليتسيا قىزمەتكەرلەرىنە ايەل ازاماتشا 56 جاسار بالاسىنىڭ جوعالعانىن، قولىندا ساموكاتى بارىن ايتىپ حابارلاسادى. بۇل بالا دا امان-ەسەن اناسىنا تاپبىستالدى.

سەنبى كۇنى، 17 ساۋىردە ساعات 15.00 شاماسىندا ەلوردالىق قۇرامانىڭ جاۋىنگەرلەرى «جەرۇيىق» ساياباعىندا 4-5 جاسار جىلاپ جۇرگەن قىز بالانى كورەدى. ول اناسىمەن سەرۋەندەپ ءجۇرىپ، اداسىپ قالعان ەكەن. اسكەري جاساق باستىعى ساياباقتا ۆەلوسيپەد تەۋىپ جۇرگەن ەرەسەكتەۋ بالالاردان ساياباقتىڭ ارعى باسىندا قىزىن ىزدەپ جۇرگەن اناسىنا حابار جەتكىزۋىن سۇرايدى. 20 مينۋتتان سوڭ اداسقان ءبۇلدىرشىن اناسىمەن قاۋىشتى.

وسى كۇنى ساعات 18.40 كەزىندە اتالعان اسكەري ءبولىمنىڭ ساربازدارى كەنەسارى حان ەسكەرتكىشىنىڭ جانىنان جىلاپ جۇرگەن تاعى ءبىر بالانى بايقاپ قالادى. دەرەۋ ىزدەستىرۋ شارالارىن ۇيىمداستىرىپ، 15 مينۋت ىشىندە بالانىڭ اناسىن تابادى. 3 جاسار ەرالىدان بولەك اناسىنىڭ قاسىندا 1،5 جاستاعى قارىنداسى مەن 5 جاستاعى اپكەسى دە بولعان. اناسى قىزدارىمەن سويلەسىپ وتىرعاندا ەرالى بايقاماي ءبىرشاما جەرگە ۇزاپ كەتكەن كورىنەدى.

ال جەكسەنبى كۇنى، ياعني 18-ساۋىردە ەلوردالىق «جەتىسۋ» پاركىندە ساعات 16.40 شاماسىندا شۇعىل اقپاراتتا ايتىلعان 5 جاسار بالانى ىزدەستىرۋ كەزىندە جىلاپ جۇرگەن باسقا ءبىر بالانى جولىقتىرادى. شامامەن 3 جاستاعى بالاقاي دا جاقىندارىنان كوز جازىپ قالعانعا ۇقسايدى. ىزدەۋگە كىرىسىپ كەتكەن ۇلاندىقتاردىڭ الدىنان 10 مينۋتتاي ۋاقىت وتكەندە بالاقايدىڭ اكەسى شىعادى. ۋايىمنان كوزىنە جاس العان اكە اسكەريلەردىڭ قولىنان بالاسىن كورگەندە قۋانىشتان تاعى دا كوڭىلى بوساپ كەتتى.
پەرزەنتتەرىمەن قاۋىشقان بارلىق اتا-انالار قۇقىقتىق ءتارتىپ اسكەرىنىڭ ساربازدارىنا ادال قىزمەتى مەن جەدەل كومەگى ءۇشىن العىستارىن ءبىلدىردى.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار