كوروناۆيرۋس • 20 ءساۋىر، 2021

ەلوردادا كۇنىنە 650-گە جۋىق ادامنان ۆيرۋس انىقتالادى

14 رەت كورسەتىلدى

ءبىر ايدان استام ۋاقىت بويى نۇر-سۇلتان قالاسى ەپيدەميولوگيالىق جاعدايدى باعالاۋ بويىنشا «قىزىل» ايماقتا تۇر. سوڭعى اپتادا قالادا كوروناۆيرۋس اۋرۋى وتكەن جىلمەن سالىستىرعاندا 17%-عا ءوستى. ەپيدەميولوگيالىق جاعداي تۋرالى ونلاين بريفينگتە ەلوردانىڭ باس مەملەكەتتىك سانيتارلىق دارىگەرى سارحات بەيسەنوۆا ءمالىم ەتتى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

«نۇر-سۇلتان قالاسىنداعى ءCوVىD-19 ىندەتى بويىنشا ەپيدەميولوگيالىق جاعداي تۇراقسىز بولىپ قالۋدا، قالا ءبىر ايدان استام ۋاقىت بويى «قىزىل ايماقتا» تۇر. كۇنىنە 350-دەن 650-گە دەيىن جاعداي تىركەلەدى. سوڭعى اپتاداعى سىرقاتتانۋشىلىق كورسەتكىشى الدىڭعى اپتادان 17%-عا جوعارى، 100 مىڭ تۇرعىنعا شاققانداعى قارقىندى كورسەتكىش — 326،2 قۇرادى»، دەپ حابارلادى س.بەيسەنوۆا.

ونىڭ ايتۋىنشا، جىل باسىنان بەرى قالا بويىنشا كوروناۆيرۋسپەن اۋىراتىنداردىڭ سانى 21 مىڭنان استى، پاندەميا باستالعاننان بەرى 40 169 جاعداي تىركەلدى. بۇگىنگى كۇنى ورتاشا ەسەپپەن تاۋلىگىنە 6500 زەرتتەۋ جۇرگىزىلەدى.

وسى جىلدىڭ ءساۋىر ايىنداعى COVID-19 سىرقاتتانۋشىلىق كورسەتكىشى ناۋرىز ايىنداعى سىرقاتتانۋشىلىق دەڭگەيىنەن 50%-عا، قاڭتار-اقپان ايلارىندا 37،8%-عا اسادى.

«كوروناۆيرۋس ينفەكتسياسىن تىركەۋدى جالعاسۋىنىڭ نەگىزگى سەبەپتەرى تۇرعىنداردىڭ كارانتيندىك شارالاردى ساقتاماۋىنان بولىپ وتىر. ناقتىراق ايتقاندا ادام كوپ جينالاتىن ورىندارعا بارۋ، بەتپەردە تاقپاۋ، سونداي-اق نەگىزگى سەبەپتەردىڭ ءبىرى امبۋلاتوريالىق ناۋقاستاردىڭ دا، جاقىن بايلانىستا بولعان ادامداردىڭ دا ءۇي كارانتينى رەجيمىن ساقتاماۋى بولىپ سانالادى. تىيىم سالىنعانعا قاراماستان كىسىلەر ءۇي كارانتينىن بۇزۋدا. بۇل ولاردىڭ Ashyq جوباسىنا قاتىسۋشىلاردىڭ نىساندارىنا بارۋىمەن راستالادى، ول بويىنشا ءساۋىر ايىندا عانا ءۇي كارانتينىن بۇزۋشىلاردىڭ   200-گە جۋىعى، ونىڭ ىشىندە 89 ناۋقاس جانە 100 بايلانىستا بولعان ادام انىقتالدى»، دەپ ءتۇسىندىردى ەلوردانىڭ باس سانيتارلىق دارىگەرى.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار