سپورت • 20 ءساۋىر، 2021

فۋتبولدان قپل ويىندارىنىڭ التىنشى تۋرى اياقتالدى

22 رەت كورسەتىلدى

فۋتبولدان قازاقستان پرەمەر-ليگاسىنىڭ التىنشى تۋرى ءوز مارەسىنە جەتتى، دەپ حابارلايدى Egemen.kz.

الماتىداعى ورتالىق ستاديوندا «قايرات» پەن «توبىل» كۇش سىناستى. باسەكە بارىسىندا بىردە قوناقتار، ەندى بىردە الاڭ يەلەرى العا شىقتى. بىراق ەكى رەتىندە دە ەسەپ تەڭەستى. قوستانايلىقتار قاتارىنداعى ازات نۇرعاليەۆ پەن نەمانيا نيكوليچ گول سوقسا، الماتىلىقتار اراسىنان ەكى رەتىندە دە جوسە كونتە مەرگەندىك تانىتتى. نەگىزى بۇل ماتچ «قايراتتىڭ» پايداسىنا شەشىلۋگە ءتيىس ەدى. الايدا 82-مينۋتتا كامو وگانەسيان الاڭنان قۋىلىپ، الەكسەي شپيلەۆسكيدىڭ شاكىرتتەرىنىڭ جاعدايى قيىنداي ءتۇستى. ول ازداي، ءنۇرالى ءالىپ 11 مەترلىك نۇكتەدەن ءمۇلت كەتتى. 21 جاستاعى قورعاۋشىنىڭ باعىتتاعان دوبىن الەكساندر موكين كەرى قايتاردى.

تالدىقورعانعا ساپار شەككەن «ورداباسى» جەرگىلىكتى «جەتىسۋدى» 4:0 ەسەبىمەن ويسىراتا ۇتتى. ءبىرىنشى تايمدا الەكساندر سيمچەۆيچ ەسەپ اشسا، ۇزىلىستەن كەيىن ەلحان استانوۆ، جواو پاۋلو جانە ميرزاد مەحانوۆيچ مەرگەندىك تانىتتى.

«اقتوبە» مەن «شاحتەر» اراسىنداعى كەزدەسۋدە دە ءىرى ەسەپ تىركەلدى. بۇل جولى دا قوناقتاردىڭ مىسى باسىم بولدى – 0:3. «تۇران» مەن «كاسپي» اراسىنداعى كەزدەسۋدە جەڭىمپاز انىقتالعان جوق – 2:2.

ەستەرىڭىزگە سالا كەتەيىك، جەكسەنبى كۇنى وتكەن كەزدەسۋلەر مىناداي ناتيجەلەرمەن اياقتالعان ەدى: «استانا» –  «قىزىل-جار» 3:1، «تاراز» –  «اقجايىق» 1:0 جانە «قايسار» مەن «اتىراۋ» – 1:1.  

التىنشى تۋردان كەيىن «استانا» مەن «تاراز» كوش باستاپ تۇر. قوس كوماندانىڭ دا قورجىنىندا 14 ۇپاي بار. ءۇشىنشى جانە ءتورتىنشى ورىنداردا – «قايرات» پەن «توبىل». ولار 12 ۇپايدان ەنشىلەدى.  

 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار