كەيىنگى ءبىر اي كولەمىندە مەركى, جۋالى جانە سارىسۋ اۋداندارىنىڭ اكىمدەرى اۋىستى. ال, وسى ۋاقىتقا دەيىن وبلىس اكىمىنىڭ ورىنباسارى بولىپ كەلگەن ەرجان جىلقىباەۆ تاراز قالاسىنىڭ اكىمى ورنىنا جايعاسسا, سوڭعى كەزدە Nur Otan پارتياسى نۇر-سۇلتان قالالىق فيليالى توراعاسىنىڭ ءبىرىنشى ورىنباسارى قىزمەتىن اتقارعان داۋلەت كارىبەك جامبىل وبلىسى اكىمىنىڭ ورىنباسارى بولىپ تاعايىندالدى.
ال, بۇگىن وڭىردە جامبىل وبلىسىنىڭ اكىمى بەردىبەك ساپارباەۆتىڭ وكىمىمەن ەكى بىردەي باسقارمانىڭ باسشىلارى تاعايىندالدى. ۇزاق ۋاقىتتان بەرى بوس تۇرعان وبلىستىق تۋريزم باسقارماسىنىڭ باسشىلىعىنا جالعاس مۇرتازا كەلدى. ول وسى ۋاقىتقا دەيىن وبلىس اكىمى اپپاراتىنىڭ وڭىرلىك باقىلاۋ جانە ۇيىمداستىرۋ-ينسپەكتورلىق جۇمىسى ءبولىمىنىڭ باسشىسى بولىپ ىستەگەن. سونىمەن قاتار, 2018 جىلدان بەرى قورداي اۋدانى اكىمىنىڭ ورىنباسارى بولىپ كەلگەن ەرلان ورىنباەۆ بۇگىن وبلىستىق قۇرىلىس باسقارماسىنىڭ باسشىسى بولىپ تاعايىندالدى.
