كوروناۆيرۋس • 20 ءساۋىر، 2021

نۇر-سۇلتاندا 65 مىڭنان استام ادام كوروناۆيرۋسقا قارسى ۆاكتسينا الدى

12 رەت كورسەتىلدى

ەلوردادا ۇجىمدىق يممۋنيتەتتى دامىتۋ ءۇشىن 600 مىڭنان استام ادامدى ۆاكتسينالاۋ جوسپارلانىپ وتىر. نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ونلاين بريفينگ بارىسىندا قالا تۇرعىندارىن كوروناۆيرۋستىق ينفەكتسياعا قارسى ۆاكتسيناتسيالاۋ ناۋقانى قالاي جۇرگىزىلىپ جاتقانى تۋرالى ءتۇسىندىرىپ ءوتتى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

«ۇجىمدىق يممۋنيتەتتى قالىپتاستىرۋ ءۇشىن 600 مىڭنان استام ادامدى، ياعني جاس شەكتەۋى مەن مەديتسينالىق كورسەتكىشتەرىن ەسكەرە وتىرىپ نەمەسە قالا تۇرعىندارىنىڭ كەمىندە 60%-ىن ۆاكتسينالاۋ جوسپارلانىپ وتىر. بۇگىنگى تاڭدا ەلوردادا 65 مىڭنان استام ادام كوروناۆيرۋستىق ينفەكتسياعا قارسى ۆاكتسينا الدى. ولاردىڭ قاتارىندا مەديتسينا قىزمەتكەرلەرى، پەداگوگتار، كۇش قۇرىلىمدارىنىڭ، ديپلوماتيالىق قىزمەتتەردىڭ ماماندارى جانە سوزىلمالى اۋرۋلارى بار ادامدار، سول سياقتى تىلەك بىلدىرگەن ازاماتتار بار. ۆاكتسينادان كەيىن اسقىنۋلار تىركەلگەن جوق»، دەدى ت. مۇراتوۆ.

ول سونداي-اق حالىقتى ۆاكتسينالاۋمەن كەڭىنەن قامتۋ ءۇشىن قالا اكىمى التاي كولگىنوۆتىڭ تاپسىرماسى بويىنشا ەگۋ پۋنكتتەرىنىڭ سانى 36-دان 100-گە دەيىن ارتقانىن، امسك ۇيىمدارىندا جۇمىس ۋاقىتى 08:00-دەن 24:00-گە دەيىن، ويىن-ساۋىق ورتالىقتارىندا 10:00-دەن 22:00-گە دەيىن جۇمىس ۋاقىتى ۇزارتىلعانىن ايتىپ ءوتتى. سونداي-اق قالانىڭ ەكى ءىرى «Mega Silk Way» جانە «حان شاتىر» سوو-لارىندا ەگۋ ايماقتارى ۇيىمداستىرىلدى.

ءبىر اپتا ىشىندە «Mega Silk Way» 1 800-دەن استام ادامعا كوروناۆيرۋسقا قارسى ەكپە سالدى. جاقىن ارادا مۇنداي پۋنكتتەر «كەرۋەن» ساۋدا-ويىن ساۋىق ورتالىعى مەن مەن «ابۋ-دابي پلازا» كەشەنىندە دە اشىلادى. قاجەت بولعان جاعدايدا ۆاكتسيناتسيا پۋنكتتەرى قالانىڭ قوناق ۇيلەرىندە دە اشىلماق.

حالىقتىڭ COVID-19-عا قارسى ۆاكتسينا الۋ بەلسەندىلىگىنىڭ جوعارى بولۋىنا بايلانىستى قوعامدىق دەنساۋلىق ساقتاۋ باسقارماسى جىلجىمالى بريگادالار ۇيىمداستىرىپ، ەڭبەك ۇجىمدارىن جاپپاي ۆاكتسينالاۋعا كىرىستى. ءارتۇرلى كاسىپورىنداردا COVID-19-عا قارسى ۆاكتسينا العىسى كەلەتىندەردىڭ سانى 1000 ادامعا جەتەدى.

«قازىرگى ۋاقىتتا كوروناۆيرۋستىق ينفەكتسيامەن كۇرەستىڭ ماڭىزدى كەزەڭى – حالىقتى ۆاكتسينالاۋ. ۆاكتسيناتسيا كۇشتى پروفيلاكتيكالىق شارا بولىپ سانالادى جانە ونى قولدانۋدىڭ پايداسى اۋرۋدىڭ ىقتيمال قاۋىپتەرىنەن ەداۋىر اسىپ تۇسەدى»، دەپ اتاپ ءوتتى سپيكەر.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار