ونىڭ ايتۋىنشا, ناۋرىز ايىندا جۇرگىزىلگەن ساۋالداما قورىتىندىسى بويىنشا, حالىقتىڭ ينفلياتسيالىق ىقتيمالدىلىعى 0,2%-عا ءوستى. ولاردىڭ ءبىر جىل العا ساندىق باعاسى 6,9%-دى قۇرادى (اقپاندا – 6,7%). الداعى 12 اي ىشىندە باعانىڭ قازىرگى ءوسۋ قارقىنىنىڭ ساقتالۋىن نەمەسە ونىڭ الدەقايدا كوتەرىلە تۇسەتىنىن كۇتەتىن رەسپوندەنتتەردىڭ ۇلەسى 44%-عا دەيىن ارتتى (اقپاندا – 42%) (1-كەستە).
ينفلياتسيانى باعالاۋدا باعانىڭ وتە جوعارى بولاتىنىن اتاپ وتكەن رەسپوندەنتتەردىڭ ۇلەسى 46%-عا دەيىن تومەندەدى (اقپاندا 53%).
ادەتتەگىدەي, ساۋالداماعا قاتىسقانداردىڭ باسىم كوپشىلىگى (88%) ازىق-ت ۇلىك باعاسىنىڭ وسەتىنىن ايتادى. سونىمەن بىرگە ازىق-تۇلىككە جاتپايتىن تاۋارلار باعاسى كوتەرىلەدى دەپ بەلگىلەگەن رەسپوندەنتتەردىڭ ۇلەسى ارتتى: 2021 جىلدىڭ اقپان ايىنداعى 3,3%-دان ناۋرىزدا 4,5%-عا دەيىن جانە قىزمەتتەرگە – 2,5%-دان 3,4%-عا دەيىن (2-كەستە).
قازىرگى قارجىلىق جاعدايدى باعالاۋ تەرىس ايماقتا ساقتالىپ وتىر. ناۋرىزدا پەسسيميستىك جاۋاپتاردىڭ ۇلەسى اقپانداعى 35,5%-دان 36,2%-عا دەيىن ءوستى. بولاشاق قارجىلىق جاعدايعا قاتىستى وڭ باعامداۋ باسىم, ناۋرىز ايىندا ولار 38%-عا دەيىن ءوستى (اقپاندا – 37%). حالىقتىڭ كولەمدەپ ساتىپ الۋعا دايىندىعى وتكەن ايمەن سالىستىرعاندا وڭ باعالاردىڭ ءوسۋى ەسەبىنەن ءبىرشاما جاقساردى: اقپان ايىنداعى 13%-دان ناۋرىز ايىندا 15%-عا دەيىن.
2021 جىلدىڭ ناۋرىز ايىندا ەكونوميكانىڭ دامۋى بويىنشا قىسقامەرزىمدى جانە ۇزاقمەرزىمدى بولجام ەكىنشى اي قاتارىنان ناشارلاي ءتۇستى, دەگەنمەن وڭ ايماقتا قالىپ وتىر.
