الەم • 20 ءساۋىر، 2021

رەسەي حالىقارالىق عا­رىش ستانساسىنان شىعادى

50 رەت كورسەتىلدى

رەسەي 2025 جىلعا قا­راي حالىقارالىق عا­رىش ستانسا (حعس) جوباسىنان شى­عاتىنىن حابارلادى. بۇل تۋرالى ەل پرەمەر-ءمينيس­ترىنىڭ ورىنباسارى يۋري بوريسوۆ مالىمدەدى.

ازىرگە ەلەۋلى وزگەرىس بولمايدى. ويتكەنى بۇعان دەيىن قابىلدانعان جوسپار 2024 جىلعا دەيىن جارامدى. سوندىقتان «روسكوسموس» عارىش ستانساسىن قولدانۋدى جالعاستىرۋ بويىنشا شەشىمىن 2024 جىلدان كەيىن ءبىر-اق قابىلدايتىنىن جاريا ەتتى.

جوبادان شىعۋ تۋرالى رەسمي مالىمدەمە جاسالعاننان كەيىن رەسەي ستانساداعى مودۋلدەردىڭ تەحنيكالىق جاعدايىن نەگىزگە الىپ جۇمىس ىستەمەك. عارىش سالاسىنا جاۋاپتى قۇرىلىم ولاردىڭ كوبىنىڭ توزىعى جەتكەنىن دە جاسىرمادى. سوندىقتان سوڭعى ۇلگىدەگى جەكە ۇلتتىق وربيتالىق قىزمەتتىك ستانسا جوباسى قولعا الىنىپ وتىر ەكەن.

يۋري بوريسوۆتىڭ ايتۋىنشا، مالىمدەمە جاسالعانىمەن، حالىقارالىق عارىش ستانساسىنداعى جۇمىس توقتايدى دەپ ساناۋعا بولمايدى. ءتىپتى قازىرگى ۋاقىتتا ستانسانى 2030 جىلعا دەيىن قولدانۋ بويىنشا كەلىسسوزدەر دە جۇرگىزىلىپ جاتقان كورىنەدى.

«روسكوسموستىڭ» باس ديرەكتورى دميتري روگوزين رەسەي پرەزيدەنتى ۆلاديمير پۋتينگە اتالعان سالاداعى جۇمىس تۋرالى جانە كۇن جۇيەسىندەگى عالامشارلاردى يگەرۋ بويىنشا جوسپاردى تانىستىردى.

جالپى، حالىقارالىق عارىش ستانساسى 1998 جىلدان بەرى قولدانىلىپ كەلەدى. جوبانىڭ 15 قاتىسۋشىسى بار. رەسەي، اقش، كانادا، جاپونيا مەن ەۋروپا عارىش اگەنتتىكتەرى – نەگىزگى قاتىسۋشىلار. ستانسا ىسكە قوسىلعالى بەرى وندا الەمنىڭ 19 ەلىنەن 240 ادام بولىپ ۇلگەرگەن.

ستانسانىڭ جۇمىسىنا جىل سايىن 5 ملرد اقش دوللارى كولەمىندە قارجى جۇمسالادى. ونىڭ 4 ملرد اقش دوللارىن NASA عارىش اگەنتتىگى تولەسە، قالعان قارجى – قاتىسۋشى ەلدەردىڭ ەنشىسىندە.

 

سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار