«شىمكەنت قالاسىندا ەرىكتى تۇردە كوروناۆيرۋسقا قارسى ۆاكتسينا الۋشىلاردىڭ سانى كوبەيدى. ياعني بۇگىنگە دەيىن 46 656 ادام ەكپە قابىلدادى. ولاردىڭ 9 570-ءى – مەديتسينا ماماندارى, 11 752-ءسى – مۇعالىمدەر, 4 738-ءى – پوليتسەيلەر, 3 332-ءسى – سوزىلمالى اۋرۋعا شالدىققان ناۋقاستار, ال 1 326-سى ستۋدەنتتەر بولسا, قالعاندارى – باسقا دا ساناتتاعى ازاماتتار. بۇل رەتتە حالىققا بار جاعدايدى جاساۋ ماقساتىندا ۆاكتسينا ەگۋ پۋنكتتەرىن كوبەيتىپ, سالدىرۋ ۋاقىتىن ۇزارتتىق», دەيدى باسقارما باسشىسى.
باس دارىگەردىڭ سوزىنشە, ءۇشىنشى مەگاپوليستە ۆاكتسينا سالدىرۋ 38 ەگۋ پۋنكتىندە جۇرگىزىلىپ وتىر. ولار كۇندەلىكتى ساعات 08.00-دەن 22.00-گە دەيىن جۇمىس ىستەۋدە. وعان قوسا, بۇگىن قالانىڭ ساۋدا ورتالىقتارىندا ۆاكتسينالاۋ جۇمىستارى باستالعان. ياعني №1 قالالىق ەمحانا ماماندارى تاڭەرتەڭنەن امبەباپ ساۋدا ورتالىعىنىڭ قىزمەتكەرلەرى مەن دۇكەنگە كەلۋشى ازاماتتارعا ۆاكتسينا سالۋدا. بۇل شارا جالعاسادى. ەندىگى كەزەكتە 19 ساۋىردەن باستاپ «مەگا» ساۋدا ورتالىعى مەن بازارلاردا ەگۋ پۋنكتتەرى اشىلادى.
ەسكە سالساق, كوروناۆيرۋسقا قارسى شىعارىلعان ۆاكتسينا ادامعا كۇش-قۋات بەرەتىن دارۋمەن بولماعاندىقتان, ونى سالدىرۋ ورازانى بۇزبايدى. بۇل تۋرالى قازاقستان مۇسىلماندارى ءدىني باسقارماسىنىڭ وكىلدەرى ءپاتۋا شىعارعان.
باقىتجان جولداسبەك ۇلى شىمكەنت قالاسىندا وتكەن تاۋلىكتە COVID-19 ينفەكتسياسىن جۇقتىرۋدىڭ 119 جاعدايى تىركەلگەنىن, ەپيدەميالىق احۋالدىڭ تۇراقتى ەمەس ەكەندىگىن تىلگە تيەك ەتتى. وسى ورايدا قالانىڭ باس دارىگەرى شاhار تۇرعىندارىنا بارلىق سانيتارلىق تالاپتى ساقتاۋعا شاقىردى.
شىم-شاھاردا covid-19 ۆيرۋسىنا قارسى ۆاكتسينا سالدىرۋدا ءبىلىم سالاسىنىڭ قىزمەتكەرلەرى بەلسەندىلىك تانىتىپ كەلەدى. وسىعان دەيىن ءبىلىم سالاسىندا جۇمىس ىستەيتىن 8 مىڭعا جۋىق قىزمەتكەر ۆيرۋسقا قارسى ۆاكتسينا العان. بۇل جالپى قىزمەتكەرلەردىڭ 30 پايىزىن قۇراپ وتىر. باسقارما تاراپىنان قىزمەتكەرلەر اراسىندا قاۋىپتى ىندەتكە قاتىستى ۆاكتسينانى جاپپاي سالدىرۋ بويىنشا ءتيىستى ءتۇسىندىرۋ جۇمىستارى اتقارىلىپ جاتىر. ءبىر كۇننىڭ ىشىندە ورتاشا ەسەپپەن مىڭنان استام قىزمەتكەر ۆاكتسينالاندى.
ىندەت ىرگەدەن ءىن قازعان تۇستا جانى جومارت جاندار ەلگە قولۇشىن بەرۋدەن ايانىپ قالعان جوق. جۋىردا «پەتروقازاقستان» جانە «وتاۋمەد» كومپانياسى قان ورتالىعىنا ۆاكتسينا ساقتايتىن قۇرىلعى تارتۋ ەتتى. كومپانيا باسشىلارى ورتالىققا قاجەت قۇرىلعىلاردى شەتەلدەن ارنايى تاپسىرىسپەن الدىرعان. مەديتسينالىق مەكەمەگە تارتۋ ەتىلگەن توڭازىتقىش جابدىقتارى ۆاكتسينانى ساقتاۋعا ارنالعان. ورتالىق باس دارىگەرى امانگەلدى نۇرلىباەۆ ۇجىم اتىنان «پەتروقازاقستان» جانە «وتاۋمەد» كومپانياسىنا العىسىن ءبىلدىردى.
ايتا كەتەرلىگى, قالاعا بولىنەتىن ىندەتكە قارسى ۆاكتسينالار تىكەلەي اۋەجايدان قان ورتالىعىنا جەتكىزىلىپ, كەيىننەن ەگۋ پۋنكتتەرىنە تاراتىلۋدا.
شىمكەنت
