قىزىلاعاشتىق بالالار “بالداۋرەندە” دەمالدى

قازاقستان “ارتەگىنىڭ” بەسىنشى اۋىسىمى “دوستىق ارالىنداعى كەزدەسۋ” دەگەن اتپەن ءوتتى. رەس­پۋب­ليكالىق “بالداۋرەن” وقۋ-ساۋىق­تىرۋ ورتالىعىنىڭ ۇجىمى بۇل جولى سۋ تاسقىنىنان زارداپ شەك­كەن الماتى وبلىسىنداعى 150 وقۋ­شىعا ىستىق قۇشاعىن ايقارا اشتى. – “سالەم, “بالداۋرەن!” دەگەن ءداستۇرلى شارامەن باستالعان اۋىسىمنىڭ ءار كۇنى قىزىقتى ءوتتى, – دەيدى قىزىلاعاش اۋىلىنان كەلگەن ماليكا تۇشپاروۆا. ءبىز جاس ەرەك­شەلىگىنە قاراي ءۇش توپقا ءبولىنىپ, ءارتۇرلى جارىستارعا, مۇددە­لەر بويىن­­شا ۇيىرمەلەرگە, توعىز تاقى­رىپتى قامتيتىن شىعارما­شىلىق بايقاۋلارعا قاتىستىق. مەنىڭ جاڭا دوستارىم ساۋلە كەز­دەكباەۆا, ءبىر­لىك نۇرساعىم, ءمادينا احماديەۆا, جانسايا تولەكوۆا, بەكجان قوجا­حان­دار وتە ونەرلى ءارى باۋىرمال بالا­لار ەكەن. “بالداۋرەننىڭ” بازارلىعى مەن سىي-ساۋعاسى مول ەكەندىگىن جاقسى بىلەمىز. مۇندا ەشكىم نازاردان تىس قالمايدى. سونداي-اق, بالالاردىڭ ءجۇزىن جادىراتۋ ماقساتىمەن ەلوردامىزداعى “موتيۆ-استانا” جشس مەنەدجەرى مۇرات ساليحوۆ سىيلىقتارىن ارقالاپ كەلگەنىنە, كوكشەتاۋداعى اقان سەرى اتىنداعى مادەنيەت كوللەدجىنىڭ ونەرپازدارى ارنايى كونتسەرت بەرگەنىنە مىڭ راحمەت ايتىلدى. اقسۋ اۋداندىق ءبىلىم ءبولىمىنىڭ باس مامانى گ.وماروۆانى اڭگىمەگە تارتقانىمىزدا, ول بالالارمەن بىرگە كەلگەن پەداگوگ-ۇيىمداس­تىرۋ­شىلاردىڭ, پسيحولوگتاردىڭ, مەدي­تسي­نا قىزمەتكەرلەرىنىڭ دە مول اسەر­­گە بولەنگەنىن ايتتى. “بال­داۋ­رەن­دە” پسيحولوگيالىق جانە سپورت­تىق-ساۋىقتىرۋ شارالارى جو­عارى دەڭگەيدە ۇيىمدا­ستىرىلعان. سايا­حاتتىڭ ءوزى بىرنەشە باعىتتا ءجۇر­گىزىلەتىنىنە ءتانتى بولدىق. اسىرەسە, بۋرابايدىڭ كۋرورتتى ايماعىنداعى تالىمدىك كەزدەسۋلەر ۇمىتىلمايدى. ءبىز بۇل جونىندە مۇحيتدين تولەپ­باەۆ اعامىز باسقاراتىن ۇجىمنىڭ اتىنا جولداعان العىس حاتىمىزدا كەڭىنەن جازدىق, دەدى ول. مەملەكەتتىڭ, بۇكىل حالقى­مىزدىڭ كومەگىمەن قىزىلاعاشتىڭ ەڭسەسى كوز الدىمىزدا كوتەرىلىپ, كور­كەم ەلدى مەكەنگە اينالىپ كەلە­دى. وندا بالالاردىڭ بال كۇلكىسى ەشقاشان تولاستامايتىنى انىق. باقبەرگەن امالبەك, اقمولا وبلىسى.