ەل تۇرعىندارىن ۆاكتسيناتسيالاۋدى كەڭىنەن قامتۋ ءۇشىن نۇر-سۇلتان قالاسىنىڭ اكىمى التاي كولگىنوۆتىڭ تاپسىرماسى بويىنشا ەگۋ پۋنكتتەرىنىڭ سانى 36-دان 100-گە دەيىن ارتتى. جمسك ۇيىمدارى ءۇشىن جۇمىس ۋاقىتى 8:00-دەن 24:00-گە دەيىن, سوو-لاردا 10:00-دەن 22:00-گە دەيىن ۇزاردى. سونداي-اق قالانىڭ ەكى ءىرى «Mega Silk Way»جانە «حان شاتىر» سوو-لارىندا ەگۋ ورىندارى ۇيىمداستىرىلدى.
مىسالى ءبىر اپتادا «Mega Silk Way» سوو-دا 1700-دەن استام ادام ۆاكتسينالاندى.
ەكىنشى ساۋدا-ويىن-ساۋىق ورتالىعى — «حان شاتىردا» ازاماتتاردى جاپپاي ۆاكتسيناتسيالاۋ بۇگىن (19 ءساۋىر) باستالدى. جاقىن ارادا مۇنداي پۋنكتتەر «كەرۋەن» سوو مەن «ابۋ-دابي پلازا» كەشەنىندە دە اشىلادى. قاجەت بولعان جاعدايدا ۆاكتسيناتسيا پۋنكتتەرىن قالانىڭ قوناق ۇيلەرىندە دە اشۋ جوسپاردا بار.
حالىقتىڭ COVID-19-عا قارسى ۆاكتسينا الۋ بەلسەندىلىگىنىڭ جوعارى بولۋىنا بايلانىستى قوعامدىق دەنساۋلىق ساقتاۋ باسقارماسى كوشپەلى بريگادالار ۇيىمداستىرىپ, ەڭبەك ۇجىمدارىن جاپپاي ۆاكتسيناتسيالاۋعا كىرىستى. ءتۇرلى كاسىپورىنداردا COVID-19 ۆاكتسيناسىن العىسى كەلەتىندەردىڭ سانى 1000 ادامعا جەتەدى.
قالا بويىنشا بارلىعى 60 مىڭعا جۋىق ادام ۆاكتسيناتسيالاندى.
