جارلىققا دەنساۋلىق ساقتاۋ مينيسترلىگىنەن حەزي لەۆي قول قويدى. شەشىم كوروناۆيرۋس جۇقتىرۋ دەڭگەيى تومەندەپ, حالىقتى ۆاكتسيناتسيالاۋ ناۋقانى ءساتتى ءوتىپ جاتقانىنا بايلانىستى قابىلداندى. يزرايلدە Pfize/Biontech ۆاكتسيناسىنا قۇقىعى بار, 16 جاستان اسقان تۇرعىنداردىڭ شامامەن 81 پايىزى ەكى دوزانى دا العان. بۇل ەلدەگى ۆيرۋس جۇقتىرۋ دەرەگىنىڭ كۇرت تومەندەۋىنە اكەلدى.
دەگەنمەن ماسكا تاعۋ رەجىمى جابىق نىسانداردا قاتاڭ ساقتالادى. سونىمەن قاتار, يزرايل دەنساۋلىق ساقتاۋ مينيسترلىگى وكىلدەرى كوشەدەگى جينالىستارعا قاتىسقان كەزدە, نەمەسە توپتاسىپ جينالعاندا تۇرعىندارعا ماسكا تاعۋدى ۇسىندى.
شەتەلدىكتەردىڭ ەلگە كىرۋى ءالى دە شەكتەۋلى, ال شەتەلدەن ورالعان بىراق ۆاكتسينا سالماعان يزرايلدىكتەر كارانتينگە جىبەرىلەدى.
«قازىر پاندەميادان شىعۋ شارالارى بويىنشا بۇكىل الەمنەن وزىپ كەلەمىز. دەگەنمەن ءالى دە كوروناۆيرۋستى تولىقتاي جەڭدىك دەپ ايتا المايمىز. قايتىپ ورالۋى دا مۇمكىن», دەدى يزرايل پرەمەر-ءمينيسترى بينيامين نەتانياحۋ.
گاۋحار قاپاش
