پوليتسيانىڭ دەرەكتەرىنە سۇيەنسەك, ترياتلون ساياباعىنداعى شامداردى ەكى اي بويى كوشە جانە ساياباق جارىعىنا جاۋاپتى جشس-ءنىڭ ءۇش قىزمەتكەرى ۇرلاپ كەلگەن. ولار تۇنگى ۋاقىتتا ساياباق اۋماعىنا كىرىپ, ەكى مەترلىك باعانالارعا شىعىپ, شامداردى بۇراپ العان.
قۇقىق قورعاۋ ورگاندارىنىڭ مالىمەتىنشە, كەلتىرىلگەن شىعىن سومماسى شامامەن 8 ميلليون تەڭگە.
«تۇنگى ۋاقىتتا تۇراقتى تۇردە ساياباق اۋماعىنا كىرگەن قىزمەتتىك اۆتوكولىك قۇقىق قورعاۋ ورگاندارىنىڭ قىزىعۋشىلىعىن تۋدىردى. ۇرلىق جاسادى دەگەن كۇدىكپەن پوليتسەيلەر جشس-ءنىڭ 32,49 جانە 50 جاستاعى ءۇش قىزمەتكەرىن ۇستادى. انىقتالعان دەرەك بويىنشا «ۇرلىق» بابىمەن ءىس قوزعالادى. قىلمىستىق ءىس تۇرعىسىندا زاتتاي دالەلدەمەلەر ساتىپ الۋشىدان ءىشىنارا الىناتىن بولادى», دەلىنگەن حابارلامادا.
گاۋحار قاپاش
