ورتكە ورانعان القاپ 1000 گەكتارعا دەيىن جەتكەن, ونىڭ ىشىندە ورماندى القاپ 300 گەكتاردى قۇرايدى. ءورتتى سوندىرۋگە 50 تەحنيكا مەن 206 ادام جۇمىلدىرىلعان.
«گالكين اۋىلدىق وكرۋگىنىڭ ەكى ەلدى مەكەنىنە قاۋىپ تونگەن بولاتىن, الايدا ونىڭ الدىن الدىق. قازىر ەلدى-مەكەندەرگە تونگەن قاۋىپ جوق. ورتەنگەن اۋماق الدىن-الا مالىمەت بويىنشا مىڭ گەكتارعا دەيىن جەتەدى. جاعدايدى باقىلاۋعا الامىز», دەدى پاۆلودار وبلىسى توتەنشە جاعدايلار دەپارتامەنتىنىڭ باسشىسى ەرنۇر وتەگەنوۆ.
ونىڭ ايتۋىنشا, ءورتتىڭ تارالۋ جىلدامدىعى سەكۋندىنا 25 مەرتمەن سوققان جەل اسەر ەتكەن.
ايتا كەتەيىك, «ەرتىس ورمانى» رەزەرۆاتىنداعى ءورتتىڭ 18-ءساۋىر كۇنى باستالعانى تۋرالى جازعان بولاتىنبىز. الدىمەن رەزەرۆات اۋماعىنداعى قۇرعاق ءشوپ ورتەنىپ, كەيىن ورمانعا جايىلعان. قازا بولعاندار مەن زارداپ شەككەندەر جوق.
گاۋحار قاپاش
