ايماقتار • 17 ءساۋىر، 2021

اقمولا وبلىسىندا باس سانيتارلىق دارىگەر جاڭا قاۋلى قابىلدادى

22 رەت كورسەتىلدى

اقمولا وبلىسى باس مەملەكەتتىك سانيتارلىق دارىگەرى ايناگۇل مۋسينانىڭ «وبلىس اۋماعىنداعى كارانتيندىك شەكتەۋ شارالارىن كۇشەيتۋ تۋرالى» قولدانىستاعى قاۋلىعا وزگەرىستەر ەنگىزگەن №16 جاڭا قاۋلىسى كۇشىنە ەندى، دەپ حابارلايدى Egemen.kz.

جاڭا قاۋلى ارقىلى «Ashyq» پيلوتتىق جوباسىنا قاتىساتىن كوكشەتاۋ جانە ستەپنوگورسك قالالارىنىڭ بىرقاتار نىساندارىنىڭ جۇمىسىنا رۇقسات ەتىلەدى.

وسىلايشا، قۇجاتتا «Ashyq» جوباسىنا قاتىساتىن كوكشەتاۋ جانە ستەپنوگورسك قالالارىنداعى نىسانداردى قوسپاعاندا، كومپيۋتەرلىك كلۋبتاردىڭ، بوۋلينگ-كلۋبتاردىڭ، كينوتەاترلاردىڭ، تەاترلاردىڭ، كونتسەرت زالدارىنىڭ قىزمەتىن توقتاتا تۇرۋ كوزدەلگەن. بيليارد زالدارىنىڭ قىزمەتى دە توقتاتىلادى. بىراق 2021 جىلدىڭ 21 ساۋىرىنەن باستاپ، كوكشەتاۋ جانە ستەپنوگورسك قالالارىندا ورنالاسقان جانە «Ashyq» جوباسىنا قاتىساتىن بيليارد قىزمەتىنە رۇقسات ەتىلگەن.

وبلىس وڭىرلەرىندە كاراوكە قىزمەتى دە توقتاتىلادى. 2021 جىلعى 5 مامىردان باستاپ «Ashyq» جوباسىنا قاتىساتىن كوكشەتاۋ جانە ستەپنوگورسك قالالارىندا ورنالاسقان كاراوكە قىزمەتىنە رۇقسات ەتىلەدى. 2021 جىلعى 21 ساۋىردەن باستاپ «Ashyq» جوباسىنا قاتىساتىن كوكشەتاۋ جانە ستەپنوگورسك قالالارىن قوسپاعاندا، وبلىسارالىق جانە قالالىق تۇراقتى ەمەس (تۋريستىك) تاسىمالداردىڭ قوزعالىسى دا توقتاتىلدى.

قاۋلىنىڭ تولىق ءماتىنىن مىنا سىلتەمەدەن وقۋعا بولادى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار