ايماقتار • 16 ءساۋىر، 2021

كىسى قولىنان قايتىس بولعان اياجان ەدىلوۆانىڭ ءمايىتى جەر قوينىنا تاپسىرىلدى

775 رەت كورسەتىلدى

الماتى قالاسىندا كىسى قولىنان قاتىگەزدىكپەن قايتىس بولعان اياجان ەدىلوۆانىڭ ءمايىتى تۋىستارىنا بەرىلدى. بۇل اقپاراتتى مارقۇمنىڭ باۋىرى المات م ۇلىكوۆ راستادى، دەپ حابارلايدى Egemen.kz

«بۇگىن، 16 ساۋىردە تالدىقورعاندا جەرلەندى»، دەدى المات م ۇلىكوۆ. سونىمەن بىرگە قوعام بەلسەندىسى دينا ءتاڭسارىنىڭ ايتۋىنشا، اياجاننىڭ دەنەسى تۋىستارىنا مىرىش تابىتپەن بەرىلگەن.

ەسكە سالا كەتەيىك، الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەكتىڭ سوزىنشە، كۇدىكتى جاسىرىنعان پاتەردەن قايتىس بولعان ستۋدەنت قىزدىڭ دەنەسىنىڭ بولشەكتەرى تابىلدى.

«كۇدىكتىنى ۇستاۋ كەزىندە ول ءوز-وزىنە قول جۇمساماق بولىپ دەنەسىن جاراقاتتاعان. بىراق ونىڭ بۇل ارەكەتى ىسكە اسپادى. وقيعا ورنىنا دارىگەرلەر شاقىرتىلىپ، ۇستالعان ادام №7-ءشى اۋرۋحاناعا جەتكىزىلدى. ونى تاۋلىك بويى كۇزەتەدى. ايىققاننان كەيىن كۇدىكتى تەرگەۋ يزولياتورىنا اۋىستىرىلادى. كۇدىكتىنىڭ ايتۋىنشا، اياجان ەكەۋىنىڭ اراسىندا جانجال تۋىپ، سوسىن ول ونى ءولتىرىپ، قىلمىستىڭ ىزدەرىن جاسىرۋعا تىرىسقان. وسى ماقساتتى كۇدىكتى قىزدىڭ دەنەسىن بولشەكتەگەن. دەنە بولشەكتەرىن قالانىڭ ءار جەرىنە لاقتىرىپ ۇلگەرگەن. سوت وعان قاتىستى قاماۋعا الۋ تۇرىندەگى شارانى قابىلدادى. تەرگەۋ ءجۇرىپ جاتىر»، دەدى سالتانات ازىربەك.

29 ناۋرىزدا كۇدىكتى اۋرۋحانادان شىعارىلىپ، پد جانىنداعى ۋاقىتشا ۇستاۋ يزولياتورىنا 2 ايعا قاماۋعا الىندى. كۇدىكتى تۇركىستان وبلىسىنىڭ تۋماسى، بۇرىن سوتتالماعان. ال 31 ناۋرىزدا مارقۇمنىڭ جاقىندارى ايۋاندىقپەن ولتىرىلگەن اياجان ەدىلوۆانىڭ دەنەسىن ءالى كۇنگە دەيىن جەر قوينىنا تاپسىرا الماي جۇرگەنىن ايتقان ەدى.

 

 

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار