ەلوردا • 16 ءساۋىر، 2021

ەلوردادا گازداندىرۋ جۇمىستارى قالاي ءجۇرىپ جاتىر؟

20 رەت كورسەتىلدى

نۇر-سۇلتاندا قالانى گازداندىرۋ جۇمىستارى جۇرگىزىلۋدە. ەلوردانىڭ ەلدى مەكەندەرىندە 345 كم ورامىشىلىك گاز تاراتۋ جەلىلەرى سالىندى. بۇل تۋرالى قالا اكىمى التاي كولگىنوۆ Instagram پاراقشاسىندا جازدى، دەپ حابارلايدى Egemen.kz.

«كەلە جاتقان جىلىتۋ ماۋسىمىندا ەلوردانىڭ تاعى ءتورت ەلدى مەكەنىنىڭ تۇرعىندارى گازعا قوسىلۋ مۇمكىندىگىنە يە بولادى. وڭتۇستىك-شىعىس، جەلەزنودوروجنىي، كوكتال-1، اگروقالاشىق (2020 جىلى گازعا قوسىلماعان بولىگى) ەلدى مەكەندەرىندە گاز تاراتۋ جەلىلەرىنىڭ قۇرىلىسى جۇرگىزىلىپ جاتىر. سونىمەن قاتار الداعى جىلىتۋ ماۋسىمىندا «قازترانسگاز ايماق» اق كۇيگەنجار، ميچۋرينو، ينتەرناتسيونالنىي ەلدى مەكەندەرىن گازعا قوسۋدى جوسپارلاپ وتىر»، دەپ جازدى اكىم.

ونىڭ ايتۋىنشا، ەلوردانىڭ ەلدى مەكەندەرىندە 345 كم ورامىشىلىك گاز تاراتۋ جەلىلەرى سالىنعان.

«اۋدان اكىمدەرىنە ەلدى مەكەندەردە گاز تاراتۋ جەلىلەرىنىڭ قۇرىلىس بارىسىن جانداندىرۋدى تاپسىردىم. جۇرگىزىلەتىن جۇمىستاردىڭ قاۋىپسىزدىگى مەن ساپاسىن قامتاماسىز ەتۋ ماڭىزدى. وتكەن جىلىتۋ ماۋسىمىندا (2020-21) جەلەزنودوروجنىي، كوكتال-2، اگروقالاشىق ء(بىر بولىگى) ەلدى مەكەندەرىنىڭ تۇرعىندارى گازعا قوسىلۋ مۇمكىندىگىن الدى. كەزدەسۋلەردە قالا تۇرعىندارى ساتىپ الىنعان كومىردى جۇمساۋ قاجەتتىگىن اتاپ ءوتتى. دەگەنمەن تۇرعىندار جەكە سەكتورعا گاز جۇرگىزىپ جاتقانىنا قۋانىشتى.

گازداندىرۋ باستالعان ساتتەن باستاپ الەۋمەتتىك از قامتىلعان وتباسىلارعا ۇيلەردى گازعا كوشىرۋ بويىنشا الەۋمەتتىك كومەك كورسەتۋ تەتىگى ەنگىزىلدى. بىرجولعى الەۋمەتتىك كومەك جەكە ۇيلەردىڭ مەنشىك يەلەرى بولىپ سانالاتىن زەينەتكەرلەرگە، مۇمكىندىگى شەكتەۋلى ەرەسەكتەرگە/كامەلەتكە تولماعاندارعا، كوپبالالى انالارعا جانە كوپبالالى وتباسىلارعا بەرىلەدى»، دەلىنگەن جازبادا.

نەگىزگى كريتەري – ولاردا جانە وتباسى مۇشەلەرىندە باسقا تۇرعىن ءۇيدىڭ بولماۋى جانە ءتورت ەڭ تومەنگى كۇنكورىس دەڭگەيىنەن اسپايتىن جان باسىنا شاققانداعى ورتاشا تابىستىڭ بولۋى (153 872 تەڭگە). بۇل ساناتتارعا گازعا قوسىلۋعا 90 اەك – 262 530 تەڭگە مولشەرىندە اقشالاي كومەك بولەمىز.

الەۋمەتتىك كومەكتى الۋ ءۇشىن ءوتىنىمدى egov.kz ەلەكتروندىق ۇكىمەت پورتالى ارقىلى قالدىرۋعا بولادى («ەلەكتروندىق وتىنىشتەر» – «قىزمەتكە ونلاين تاپسىرىس بەرۋ». ءوتىنىم بەرۋشى باعانىندا تۇرعىن ءۇيدى گازداندىرۋعا الەۋمەتتىك كومەك، ءوتىنىم قابىلداۋشى باعانىندا جۇمىسپەن قامتۋ جانە الەۋمەتتىك قورعاۋ باسقارماسىن تاڭداۋ قاجەت).

«بىلتىر گاز ءتاريفى تومەندەتىلدى. گازدىڭ ءبىر تەكشە مەترىنىڭ باعاسى 45 تەڭگەدەن 34،6 تەڭگەگە دەيىن تومەندەدى (بۇرىن ءبىر تەكشە مەتر ءۇشىن 60 تەڭگە باعاسىن بەلگىلەۋ بولجانعان بولاتىن). اكىمدىك جەكە سەكتوردىڭ تۇرعىندارى ءۇشىن تەگىن نەگىزدە ەسەپتەگىشتەردى قاراستىردى. اكىمدىك «Halyk bank» اق جانە «ECOJER» قاۋىمداستىعىمەن بىرلەسىپ، قالا تۇرعىندارىنا ۇيلەردى گازعا قوسۋ ءۇشىن پايىزسىز نەسيە بەرۋدى ۇيىمداستىردى. سونىمەن قاتار قالانىڭ ەكولوگياسىن جاقسارتۋ ءۇشىن 1-جەو جانە 2-جەو ءتورت قازاندىعى گازعا اۋىستىرىلدى. وسى جىلدىڭ سوڭىنا دەيىن تاعى 9 قازاندىقتى گازعا اۋىستىرامىز.

قالانى گازداندىرۋ 3 كەزەڭنەن تۇرادى. 2019 جىلدىڭ باسىندا مەردىگەرلىك ۇيىمدار اراسىنداعى سوت داۋ-دامايلارىنا بايلانىستى كەستەدەن 9 ايعا ارتتا قالدىق. بىراق العاشقى ۇيلەردى گازعا قوسقانعا دەيىن كەستەگە ساي جۇمىس ىستەيمىز. گازداندىرۋ پروتسەسى كەستەگە سايكەس جۇرگىزىلىپ كەلەدى. تاعى 1 مىڭنان استام وتباسى ۇيلەردى گازعا قوسۋعا تەحنيكالىق شارتتار الدى»، دەپ جازدى ەلوردا اكىمى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار