ءبىلىم • 16 ءساۋىر، 2021

ەلدار ۋركۋمباەۆ ماسساچۋسەتس تەحنولوگيالىق ينستيتۋتىنىڭ گرانتىنا يە بولدى

120 رەت كورسەتىلدى

الەمدەگى ەڭ بەدەلدى وقۋ ورنىنىڭ ء بىلىم گرانتى تاعى دا نازارباەۆ زياتكەرلىك مەكتەبىنىڭ وقۋشىسىنا بۇيىردى، دەپ حابارلايدى ەgemen.kz.

ەلورداداعى  NIS وقۋشىسى ەلدار ۋركۋمباەۆ اقش-تىڭ ماسساچۋسەتس تەحنولوگيالىق  ينستيتۋتىنىڭ تولىق گرانتىنا يە بولدى.

ءبىلىم گرانتى ەلداردىڭ وقۋ، قالادا تۇرۋ جانە جول ءجۇرۋ شىعىندارىن، مەديتسينالىق ساقتاندىرۋ جانە وقۋلىقتارمەن قامتاماسىز ەتۋگە مۇمكىندىك بەرەدى.

«گرانتقا يە بولعانىم تۋرالى حابارلاما كەلگەندە قۋانىشىمدا شەك بولمادى. مەن جانە مەنىڭ وتباسىم ارمانىمنىڭ شىنىمەن ورىندالعانى تۋرالى تۇپكىلىكتى راستاۋ الدىق. مەكتەبىم مەن ۇستازدارىما ايتار العىسىم شەكسىز. ۇستازدارىمنىڭ ارقاسىندا بيولوگيا پانىنەن العان ءبىلىمىم ماقساتىما قول جەتكىزۋگە، كوپتەگەن سايىس، وليمپيادالاردا جۇلدەلى ورىندارعا يە بولۋىما كومەكتەستى. ەندىگى كەزەك، ءمىت ۋنيۆەرسيتەتىندە جالپى بيولوگيا باعىتى بويىنشا ءبىلىم الىپ، بىلىكتىلىگىمدى شىڭداۋ. 1-كۋرستان كەيىن بيولوگيالىق ينجەنەريا ماماندىعىن تاڭداۋدى جوسپارلاپ وتىرمىن. وقۋمەن قاتار، مەنىڭ ۋنيۆەرسيتەت ايماعىندا ورنالاسقان زەرتحانالاردا، ورتالىقتار مەن بولىمشەلەردە جانە قوعامداستىقتاردا جۇمىس جاساۋىما جاقسى مۇمكىندىك بار. كەيىن 11 000-نان اسا ستۋدەنتتەر ءبىلىم الاتىن شەتەلدىك جوعارى وقۋ ورنىنا ماگيستراتۋراعا تاپسىرۋدى كوزدەيمىن. مەن ءۇشىن ساپالى ءبىلىم الىپ قانا قويماي، تۇلعا رەتىندە قالىپتاسۋ، ءوز مۇمكىندىكتەرىمدى جەتىلدىرۋ، كەيىن لايىقتى جۇمىسقا ورنالاسۋ ماڭىزدى»، دەيدى ەلدار ۋركۋمباەۆ.

ماسساچۋسەتس تەحنولوگيالىق ينستيتۋتى QS ۋنيۆەرسيتەتتەرىنىڭ الەمدىك رەيتينگىندە توعىز جىل قاتارىنان ءبىرىنشى ورىندا. ول بەدەلدى گارۆارد، ستەنفورد، كاليفورنيا، وكسفورد جانە كەمبريدج ۋنيۆەرسيتەتتەرىن باسىپ وزدى.

 

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار