ايماقتار • 16 ءساۋىر، 2021

سولتۇستىكتە سۋ دەڭگەيى كوتەرىلىپ كەلەدى

1 رەت كورسەتىلدى

سولتۇستىك قازاقستاننىڭ سۋ قويمالارىنداعى سۋ دەڭگەيى سوڭعى كەزدەرى قاتتى كوتەرىلىپ كەلەدى، دەپ حابارلايدى ەgemen.kz.

كەشە سەرگەەۆ سۋ قويماسىنداعى پلوتينادان سۋ 119 سانتيمەترگە كوتەرىلگەن. ال سۋدىڭ جالپى كولەمى بولجام بويىنشا 840 ملن تەكشە مەتردەي بولىپ وتىر. الدىندا، ءبىر تاۋلىك قانا بۇرىن وسى قويماداعى سۋدىڭ دەڭگەيى 50 سم-ءدىڭ توڭىرەگىندە ەدى.  مۇنداعى سۋ دەڭگەيىنىڭ ەڭ جوعارى كوتەرىلگەنى 2017 جىلى 336 سم-ءدى كورسەتكەن. ال پەتروپاۆلدا ەسىلدىڭ دەڭگەيى سەرگەەۆكاعا قاراعاندا كوپ تومەن. سونىمەن قاتار يمانبۇرلىق، اقانبۇرلىق، قامىساقتى، شاعالالى سياقتى شاعىن وزەندەردىڭ دە سۋ دەڭگەيى تۇراقتى، كەيبىرەۋىندە ءتىپتى تومەن ءتۇسۋ بايقالۋدا.

قازىر سولتۇستىك قازاقستان وبلىستىق تجد قىزمەتكەرلەرى بارلىق اپاتقا دايىن بولۋ باعىتىندا وزدەرىنىڭ جۇمىستارىن ورىستەتۋدە. ولاردىڭ باقىلاۋىنا قاراعاندا كەيبىر كولدەردە ءالى دە قار ەري قويماعان. مۇندايلار ەسىل، تيميريازەۆ، شال اقىن اۋداندارىنداعى ۇلكەن كولدەردە بايقالادى.

ال تج دەپارتامەنتىنىڭ باستىعى راميل كامالوۆ جۇمىس ساپارىمەن وبلىستىڭ ءۋاليحانوۆ اۋدانىنا بارىپ، وسى اۋدان اۋىلدارىنداعى سۋ تاسقىنىنا قارسى ءىس-شارالارمەن تانىستى. بۇل اۋداننىڭ تۇرعىندارى بىرنەشە رەت سۋ تاسقىنىنا تاپ بولدى جانە سۋ تاسقىنى دەگەن نە ەكەنىن ءوز تاجىريبەسىنەن بىلەدى. سوندىقتان اۋدان اۋماعىنداعى وسى تابيعي قۇبىلىسقا قاتىستى جاعداي جەرگىلىكتى اتقارۋشى ورگانداردىڭ، سقو تج دەپارتامەنتىنىڭ تۇراقتى باقىلاۋىندا.

راميل كامالوۆ ق ۇلىكول اۋىلدىق وكرۋگىندە ءۋاليحانوۆ اۋدانىنىڭ اكىمى قايرات پشەنباەۆپەن بىرگە بولىپ، سىلەتى وزەنىنىڭ ارناسىندا ورنالاسقان «ەكى كوز»، 13 تەرەزەلى «الكى» جانە 5 تەرەزەلى «№33» گيدروتەحنيكالىق قۇرىلىستارىن تەكسەردى. سونداي-اق، قاراتال سەلوسىنىڭ توڭىرەگىندەگى قالپىنا كەلتىرىلگەن توپىراق ۇيىندىلەرىن ارالاپ، بەرىكتىگىنە كوز جەتكىزدى.

جەرگىلىكتى اتقارۋشى ورگانداردىڭ جانە سقو تج دەپارتامەنتىنىڭ كۇشتەرى مەن قۇرالدارىنىڭ جەدەل ازىرلىگىن تەكسەرۋ شەڭبەرىندە سۋ تاسقىنى كەزەڭىندە تج جويۋعا ارنالعان تەحنيكانى قاراۋ وتكىزىلدى. ساپار بارىسىندا دەپارتامەنت باستىعى تەك ۋاقتىلى قابىلدانعان شارالار عانا حالىقتى سەنىمدى قورعاۋعا، ىقتيمال تج-نىڭ دامۋىنا جول بەرمەۋگە قابىلەتتى ەكەنىن اتاپ ءوتتى. «ەڭ باستىسى - سۋ تاسقىنى قاۋپىن ازايتىپ، اۋىلداردىڭ قالىپتى تىرشىلىگىن قامتاماسىز ەتۋ»، دەدى راميل فاتكۋللا ۇلى.

اۋدان اكىمى قايرات پىشەنباەۆ تا حالىقتىڭ سۋ تاسقىنىنا قارسى كۇرەسكە دايىن ەكەندىگىن ايتتى. ولار جەرگىلىكتى كۇشتەردى دايىندىق ساپىنا قويىپ، تجد قىزمەتكەرلەرىمەن بىرلەسىپ تاسقىنعا قارسى كۇرەسكە دايىن تۇر ەكەن. قازىر وسى اۋداندا بۇرىن وبلىستان جىبەرىلگەن تجد توبى جۇمىس ىستەيدى، ونىڭ قۇرامىندا جەكە قۇرامنان 15 ادام، 3 بىرلىك تەحنيكا، ءجۇزۋ جانە سۋ ايداۋ قۇرالدارى بار. ولار وزەننىڭ 3 گيدروتەحنيكالىق قۇرىلىستارىنا («جىرا»، «سەگىزكوز»، «ەكىكوز») تۇراقتى مونيتورينگ جۇرگىزەدى، مۇز كەپتەلىسىنىڭ الدىن الا وتىرىپ، ولاردى مۇزدان تازارتادى.

جالپى، قازىر وبلىستىڭ 4 اۋدانىندا ء(ۋاليحانوۆ، تيميريازەۆ، ايىرتاۋ جانە ع.مۇسىرەپوۆ) تجد جەكە قۇرامىنان 49 ادام، 10 بىرلىك تەحنيكا، ءجۇزۋ قۇرالدارى مەن موتوپومپالاردان تۇراتىن توپتار جۇمىس ىستەيدى. توپتىڭ جەكە قۇرامىن ءبولۋ وتكەن جىلداردىڭ تالداۋىن ەسكەرە وتىرىپ، سۋ تاسقىنى قۇبىلىستارىنا نەعۇرلىم بەيىم ورىنداردا – رۋزاەۆكا جانە چيستوپولە سەلولارىنا جاقىن اقان – بۇرلىق، شارىق جانە جەمباراق وزەندەرى، جەمباراق جانە ەسىل، ع.مۇسىرەپوۆ اۋدانىنداعى توقسان بي سەلوسى ماڭىندا، ايىرتاۋ اۋدانى كونستانتينوۆكا سەلوسىنىڭ ماڭىنداعى بابىق-بۇرلىق وزەندەرىنىڭ ۋچاسكەلەرىندە جۇرگىزىلدى. ولاردىڭ ماقساتى - وسى قيىن كەزەڭدە جەرگىلىكتى اتقارۋشى ورگاندارعا كومەك كورسەتۋ، ەلدى مەكەندەردى وسىنداي قاۋىپتى ستيحيالىق قۇبىلىستىڭ سالدارىنان قورعاۋ. جەكە قۇرام سۋ تاسقىنى جاعدايىنا، سۋ باسقان اۋماقتاردان سۋدى سورۋعا، وزەن ارنالارى مەن مۇز كەپتەلىستەرىن تازالاۋعا مونيتورينگ جۇرگىزەدى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار