قازاقستان • 16 ءساۋىر، 2021

وتاندىق اۋەجايلاردى جاڭعىرتۋ ماسەلەسى تالقىلاندى

13 رەت كورسەتىلدى

يندۋستريا جانە ينفراقۇرىلىمدىق دامۋ ءمينيسترى اۋەجايلاردى دامىتۋ جانە جاڭعىرتۋ ماسەلەلەرى جونىندە كەڭەس وتكىزدى، دەپ حابارلايدى Egemen.kz

جيىنعا قاتىسقان وبلىس اكىمدىكتەرىنىڭ، ازاماتتىق اۆياتسيا كوميتەتىنىڭ، قازاقستاننىڭ اۆياتسيالىق اكىمشىلىگىنىڭ وكىلدەرى جانە اۋەجايلاردىڭ باسشىلارى شىمكەنت، ورال، وسكەمەن، ءۇرجار جانە ءۇشارال قالالارىنداعى ينفراقۇرىلىمدىق جوبالاردىڭ ىسكە اسىرىلۋ بارىسىن تالقىلادى. سونداي-اق، تۇركىستان قالاسى اۋەجايىنىڭ باعىتتىق جەلىسىن ۇلعايتۋ جونىندەگى الداعى جوسپارلار قارالدى.

جوبالار ينفراقۇرىلىمدى دامىتۋدىڭ 2020-2025 جىلدارعا ارنالعان "نۇرلى جول" مەملەكەتتىك باعدارلاماسى شەڭبەرىندە ىسكە اسىرىلۋدا.

مينيستر ازاماتتىق اۆياتسيا كوميتەتىنە جانە جەرگىلىكتى اتقارۋشى ورگاندارعا ينفراقۇرىلىمدىق جوبالاردى ۋاقتىلى اياقتاۋ جانە قايتا قۇرۋ كەزىندە اۋەجايلاردىڭ ۇزدىكسىز جۇمىس ىستەۋىن قامتاماسىز ەتۋ بويىنشا تاپسىرمالار بەردى.

جازعى كەزەڭدە وسكەمەن جانە ءۇرجار قالالارى اۋەجايلارىنىڭ كۇردەلى جوندەۋگە جابىلۋىنا بايلانىستى مينيستر الاكول جاعالاۋىنا كولىكتەرمەن جەتۋدە قولجەتىمدىلىكتى، ونىڭ ىشىندە اۆتوبۋس جانە تەمىرجولمەن تاسىمالداۋ سىيىمدىلىعىن ۇلعايتۋ ەسەبىنەن قامتاماسىز ەتۋدى تاپسىردى.

انىقتاما ءۇشىن:

شىمكەنت اۋەجايى

شىمكەنت قالاسىنىڭ اۋەجايىندا

سكات اۋە كومپانياسى جاڭا جولاۋشىلار تەرمينالىنىڭ قۇرىلىسى جالعاستىرىپ جاتىر. ونى ىسكە اسىرۋعا جەكە ينۆەستور 8،9 ملرد. تەڭگە جۇمسادى. زاماناۋي جابدىقتار (ليفتىلەر، ەسكالاتورلار، تەلەسكوپيالىق تراپتار، جۇك تاسپالارى جانە ت.ب.) ساتىپ الىندى. جوبانى ىسكە اسىرۋ ياتا حالىقارالىق ستاندارتتارىنا جاۋاپ بەرەتىن قازىرگى زامانعا ساي تەرمينالدا جولاۋشىلارعا قىزمەت كورسەتۋگە، سونداي-اق ءوڭىردىڭ ترانزيتتىك الەۋەتىن ىسكە اسىرۋعا مۇمكىندىك بەرەدى.
انىقتاما: جاڭا جولاۋشىلار تەرمينالىنىڭ پارامەترلەرى: اۋدانى – 30 000 ش.م; وتكىزۋ قابىلەتى – ساعاتىنا 2 000 جولاۋشى. ينۆەستيتسيانىڭ جالپى سوماسى - 12 ملرد تەڭگە.

شىمكەنت قالاسىنىڭ اكىمدىگىنە مۇددەلى مەملەكەتتىك ورگاندارمەن جانە جەكە ينۆەستورمەن بىرلەسىپ، جىل سوڭىنا دەيىن جاڭا تەرمينالدى پايدالانۋعا بەرۋدى قامتاماسىز ەتۋ تاپسىرىلدى.

قازاقستاننىڭ اۆياتسيالىق اكىمشىلىگى شىمكەنت قالاسى اۋەجايىنىڭ ۇشۋ-قونۋ جولاعىنىڭ جاي-كۇيىنە جانە جوندەۋ جۇرگىزۋدى قاجەت تەتەتىن پروبلەمالارىن اتاپ ءوتتى. مينيستر ۇشۋلاردى توقتاتپاي، اعىمداعى جوندەۋ جۇرگىزۋدى تاپسىردى.

ورال اۋەجايى

بيىل ورال قالاسى اۋەجايىنىڭ اەروۆوكزال كەشەنىن رەكونسترۋكتسيالاۋ اياقتالادى دەپ كۇتىلۋدە. جوبانى ىسكە اسىرۋ جەكە ينۆەستيتسيالار ەسەبىنەن جۇزەگە اسىرىلادى. قايتا جاڭارتۋدان كەيىن اەروۆوكزالدىڭ اۋدانى مەن اۋەجايدىڭ وتكىزۋ قابىلەتى ەكى ەسەدەن استام ۇلعايادى.

كەڭەس بارىسىندا اۋەجايدا جولاۋشىلارعا قىزمەت كورسەتۋ دەڭگەيىنىڭ پروبلەمالىق ماسەلەلەرى، اتاپ ايتقاندا، كوشەدە جۇك بەرۋ ماسەلەلەرى تالقىلاندى.

جوبانى ۋاقىتىلى اياقتاۋ ءۇشىن جەرگىلىكتى بيلىكتىڭ ورال قالاسى اۋەجايى اكىمشىلىگىمەن ءوزارا تىعىز ءىس-قيمىل جاساۋ قاجەتتىگى اتاپ ءوتىلدى.

(تەرمينال الاڭىن كەڭەيتۋ – 4000-نان 10 000 م2-گە دەيىن، وتكىزۋ قابىلەتى-ساعاتىنا 400 جولاۋشى، قۇنى - 6،6 ملرد تەڭگە.)

وسكەمەن قالاسى جانە ءۇرجار اۋەجايلارى

شىعىس قازاقستان وبلىسىندا ءبىر مەزگىلدە وسكەمەن جانە ءۇرجار قالالارىنىڭ اۋەجايلارىندا ۇشۋ-قونۋ جولاقتارىن رەكونسترۋكتسيالاۋ بويىنشا 2 جوبا ىسكە اسىرىلۋدا.

وسكەمەن قالاسىنىڭ اۋەجايىندا 2 500-دەن 2 800 م-گە دەيىن ۇزارتىلاتىن جۇقج-نى رەكونسترۋكتسيالاۋ، رولدەۋ جولدارى، پەررون، جارىق سيگنالدىق جابدىق ورناتۋ جانە ت. ب.قايتا جاڭارتۋدان كەيىن اۋەجاي وتاندىق جانە شەتەلدىك اۋە كومپانيالارى پايدالاناتىن B767، 737، 757، A-320، A-321 اۋە كەمەلەرىن قابىلداي الادى.

ءۇرجار اۋەجايىن قايتا جاڭارتۋ الاكول جاعالاۋىنا اۋە كولىگىمەن قولجەتىمدىلىكتى قامتاماسىز ەتۋگە باعىتتالعان. جوبادا ۇزىندىعى 1 500-دەن 2 100 م-گە دەيىن جۇقج، رولدەۋ جولىن، پەرروندى قايتا جاڭارتۋ، جارىق سيگنالدىق جابدىقتى، پەريمەترلىك قورشاۋدى ورناتۋ جانە ت. ب. كوزدەلگەن.

قايتا جاڭارتۋدان كەيىن اۋەايلاق Embraer 190، BombardierQ-400، CRJ-200 زاماناۋي رەاكتيۆتى جانە ءتۋربوۆينتتى اك قابىلداي الادى. بۇل جازعى ماۋسىمدا الاكول كولىنىڭ جاعالاۋىنداعى اۋە كولىگىمەن تۋريستەر اعىنىن ۇلعايتۋعا مۇمكىندىك بەرەدى.

ءۇشارال اۋەجايى

قاراجات بولىنگەن جاعدايدا ىشكى ءتۋريزمدى دامىتۋعا باعىتتالعان ءۇشارال قالاسى اۋەجايىنىڭ ۇشۋ-قونۋ جولاعىن قايتا جاڭارتۋدى باستاۋ جوسپارلانۋدا.

جوبانى ىسكە اسىرۋ ءۇشارال اۋەجايىنا A-320، B757، 737، CRJ 200، Embraer 190، BombardierQ-400 اۋە كەمەلەرىنىڭ زاماناۋي تۇرلەرىن قابىلداۋعا مۇمكىندىك بەرەتىن ۇقج ۇزارتۋدى كوزدەيدى.

تۇركىستان قالاسىنىڭ اۋەجايى

زاماناۋي ينفراقۇرىلىمنىڭ ارقاسىندا تۇركىستان قالاسىنىڭ اۋەجايى ىشكى جانە حالىقارالىق رەيستەردى ۇلعايتۋدا.

قازىرگى ۋاقىتتا اپتاسىنا 6 رەت نۇر-سۇلتان قالاسىنا (19 ساۋىردەن باستاپ - كۇن سايىن)، 4 رەيس - الماتىعا، اپتاسىنا 2 رەت - ىستامبۇل جانە اتىراۋ قالالارىنا اۋە رەيستەرى ورىندالادى. 2020 جىلعى 1 جەلتوقساننان باستاپ اۋەجايدان 28 مىڭنان استام جولاۋشى تاسىمالداندى.

مينيسترلىك تاشكەنت (وزبەكستان)، بىشكەك (قىرعىزستان) قالالارىنا حالىقارالىق رەيستەردى، سونداي-اق رەسپۋبليكا ىشىندەگى (اقتاۋ، اقتوبە، ورال، كوكشەتاۋ، قوستاناي، وسكەمەن، قاراعاندى جانە ت.ب.) رەيستەردى اشۋ ماسەلەسىن پىسىقتاۋدا.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار