جۇيەدە تولەم جاساۋدىڭ رەتى سۋبسيديالاۋعا بەرىلگەن وتىنىمدەر نەگىزىندە جۇزەگە اسىرىلادى. Ecoqolday باعدارلاماسى كادەگە جاراتۋعا جينالعان جانە تاسىمالدانعان ماكۋلاتۋرا, پلاستيك, شىنى قالدىقتارى ءۇشىن وتەماقى تولەمىنىڭ مولشەرىن اۆتوماتتى تۇردە ەسەپتەيدى.
قايتالاما شيكىزاتتىڭ 1 تونناسى ءۇشىن بەرىلەتىن اقشالاي تولەمدەردىڭ مولشەرى قوسىمشا قۇن سالىعان قوسقاندا: شىنى ءۇشىن – 22 344 تەڭگە, پلاستيكالىق قاپتاماعا – 26 399 تەڭگە, قاعاز/كارتون 16 977 تەڭگەنى قۇرايدى. سونداي-اق وكم وپەراتورى قاپتاما قالدىقتارىن تاسىمالداۋ شىعىندارىن قاشىقتىعىنا بايلانىستى ءىشىنارا سۋبسيديالاۋدى جۇزەگە اسىرادى.
بۇگىنگى تاڭدا Ecoqolday جۇيەسىندە 222 قاتىسۋشى تىركەلگەن. اتاپ ايتقاندا, قايتالاما شيكىزاتتى جيناۋدى جۇزەگە اسىراتىن 74 كاسىپورىن, 22 كادەگە جاراتۋشى زاۋىت جانە 126 كولىك كومپانياسى قاتىسۋدا. تسيفرلى مودەلگە كوشۋ ماكۋلاتۋرانىڭ, پوليمەر ونىمدەرى مەن شىنى قالدىقتارىنىڭ ساتىپ الۋ قۇنىن ارتتىرۋعا مۇمكىندىك بەردى. شيكىزات قۇنى قازىر بىلايشا وزگەرىپ وتىر: كارتون-قاعاز 40-85 تەڭگە/كگ شەگىندە, شىنى 22-28 تەڭگە/كگ, پلاستماسسا 80-180 تەڭگە/كگ شەگىندە. قاپتاما قالدىقتارىن جيناۋشىلار شيكىزاتتى كادەگە جاراتۋشىلارعا تاپسىرعاننان كەيىن ەسoQoldaý جۇيەسىندە بىردەن قارجىلاندىرۋعا ءوتىنىم بەرۋگە مۇمكىندىگى بار.
2021 جىلدان باستاپ وكم وپەراتورى وتەماقى تولەمدەرىن بەرۋ ءراسىمىن جەڭىلدەتتى. جاڭا مودەل قاپتاما قالدىقتارىن جيناۋ, تاسىمالداۋ جانە قايتا وڭدەۋ جونىندەگى جۇمىس قاعيداتتارىن وزگەرتۋدى كوزدەيدى. ەسoQoldaý جوباسى – قايتا وڭدەلەتىن قاپتاما قالدىقتارىن (ماكۋلاتۋرا, پلاستيك, شىنى) جيناۋ, ونى تاسىمالداۋ جəنە كəدەگە جاراتۋ باعىتىندا جۇمىس ىستەپ جۇرگەن كəسىپكەرلەر ءۇشىن جəنە وسى سالادا ءوز بيزنەسىن باستاعىسى كەلەتىندەرگە ارنالعان پلاتفورما.
2021 جىلى 230 مىڭ توننا كولەمىندەگى قايتالاما شيكىزاتتى جيناۋ, قايتا وڭدەۋ, تاسىمالداۋ جانە كادەگە جاراتۋ جوسپارى تۇر. وكم وپەراتورى بيىل وسى باعىتتاعى جۇمىستاردى قارجىلاندىرۋعا شامامەن 10 ملرد تەڭگە ءبولۋدى جوسپارلاعان.
