قوعام • 16 ءساۋىر، 2021

ءسۋيتسيدتىڭ كوپتىگى – ەلىمىزگە سىن

10 رەت كورسەتىلدى

قازاقستاندا العاش رەت «قازاق­ستان جاستارى اراسىندا ءسۋيتسيدتىڭ الدىن الۋ بويىن­شا پروفيلاكتيكالىق ءىس-شارا­لاردىڭ ساپاسىن باعالاۋ اتلاسى» جانە «جاس ادامنىڭ الەۋمەت­تىك-پسيحولوگيالىق ءال-اۋقات يندەكسى» ازىرلەنەتىن بولدى.

قوعامدى الاڭداتىپ وتىر­عان كو­كەي­كەستى ماسەلەگە پسيحو­لوگ­تەر­دىڭ، الەۋمەتتانۋ­شىلار­دىڭ، پسيحياتر­لاردىڭ نازار اۋدارىپ وتىرعانى كەزدەيسوق ەمەس. قازاقستان ءوز-وزىنە قول جۇمساۋ سانى بويىنشا الەمدە ءۇشىنشى ورىندا تۇر. ءسۋيتسيدتىڭ بارلىق جاعدايلارىنىڭ 60 پايىزدان استامىنا 15-17 جاس ارا­لىعىنداعىلار بارادى. ەكىن­شى قاۋىپتى توپ – 25-29 جاس ارالىعىنداعى جاستار. ستاتيس­تيكاعا سايكەس، جاستار اراسىندا سۋي­تسيد جاعدايلارىنىڭ 90 پايىزدان استامى مەكتەپ پەن وتباسىندا بولادى. بىلتىر قازاقستاننىڭ تەڭ قۇقىق پەن تەڭ مۇمكىندىك ينستيتۋتى جۇرگىزگەن زەرتتەۋگە سايكەس، وزىنە-ءوزى قول جۇمساۋ تۋرالى وي ءاربىر ءتورتىنشى جاس قازاقستاندىقتى مازالايدى. وتكەن جىلدىڭ قورىتىندىسى بويىنشا وسى تۇرعىدان نەعۇرلىم قولايسىز وڭىرلەر قاتارىنا الماتى قالاسى، تۇركىستان، شىعىس قازاقستان، قاراعاندى جانە الماتى وبلىستارى ەنگەن.

قوعامدى تولعاندىرىپ وتىرعان جاس­تار اراسىنداعى ءسۋيتسيدتىڭ الدىن الۋ، اقپاراتتىق شارالار اياسىن كەڭەيتۋ ماسەلەسى «جاستار اراسىندا ءسۋيتسيدتىڭ الدىن الۋ بويىنشا شارالار كەشەنىن ازىرلەۋ جانە ىسكە اسىرۋ» جوباسىنىڭ باستالۋىنا ارنالعان ونلاين ءباسپاسوز كونفەرەنتسياسىندا قارالدى.

ءىس-شاراعا اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ، «ازاماتتىق باستامالاردى قولداۋ ورتالىعى» كەاق باسقارما توراعاسى ليما دياس، «قازاقستاننىڭ تەڭ قۇقىقتارى مەن تەڭ مۇمكىندىكتەرى ينس­تيتۋتى» قوعامدىق قورىنىڭ پرەزي­دەن­تى مارگاريتا ۋسكەمباەۆا، جوبا ۇي­لەس­تىرۋشىسى ايگۇل بەيميشەۆا قاتىس­تى.

ونلاين ءباسپاسوز كونفەرەنتسياسىنا قاتىسۋشىلار بيىلعى جىلدىڭ 1 ناۋرىزىنان باستاپ «جاستار اراسىندا ءسۋيتسيدتىڭ الدىن الۋ بويىنشا شارالار كەشەنىن ازىرلەۋ جانە ىسكە اسىرۋ» رەسپۋبليكالىق جوباسىنىڭ ىسكە قوسىلعانى تۋرالى ايتتى. 9 ايدا جۇزەگە اسۋى ءتيىس جوبانى اقپارات جانە قوعامدىق دامۋ مينيسترلىگىنىڭ تاپسىرىسى بويىنشا جانە «ازاماتتىق باس­تامالاردى قولداۋ ورتالىعى» كەاق گرانتتىق قولداۋىمەن ەلىمىزدىڭ 17 وڭىرىندە قازاقستاننىڭ تەڭ قۇقىق پەن تەڭ مۇمكىندىك ينستيتۋتى ىسكە اسىرۋدا.

ونىڭ باسشىسى مارگاريتا ۋسكەم­باەۆا قور 2010 جىلدان باستاپ قازاقستاندىق جاستار اراسىندا سۋيتسيدتىك كوڭىل كۇيگە ءتۇرلى الەۋمەتتىك زەرتتەۋلەر جۇرگىزىپ كەلە جاتقانىن جەتكىزىپ، رەسپۋبليكادا ءسۋيتسيدتىڭ الدىن الۋدىڭ جالپىۇلتتىق باعدارلاماسىن قۇرۋدىڭ ماڭىزدىلىعىن، بۇل ماسەلەنىڭ  جاسوسپىرىمدەر ءۇشىن دە، ولاردىڭ وتباسىلارى ءۇشىن دە وڭاي تاقىرىپ ەمەس ەكەنىن اتاپ ءوتتى. قور ماماندارى ون جىل ىشىندە اعىمداعى جاعدايدى باعا­لاۋ ءۇشىن عانا ەمەس، سونىمەن قاتار مەم­لەكەتتىك قۇرىلىمدار مەن نىسانالى توپتار – اتا-انالار مەن قامقورشىلار، وقۋ ورىندارى ءۇشىن جاستار اراسىندا سۋيتسيدتىك ارەكەتتەردىڭ الدىن الۋ، سونداي-اق ولاردىڭ پسيحيكالىق دەنساۋ­لىعىن ساقتاۋ جانە نىعايتۋ بويىنشا ۇسى­نىمدار ازىرلەۋ ءۇشىن دە مول تاجىريبە جيناقتاعان.

جوبانىڭ ۇيلەستىرۋشىسى ايگۇل بەيمي­شەۆانىڭ ايتۋىنشا، وسى جىلى جوبا اياسىندا رەسپۋبليكادا العاش رەت جاسوسپىرىمدەردىڭ «تاۋەكەل توبىنا» كىرۋىن تالداۋ ماقساتىندا «قازاقستان جاس­تارى اراسىندا ءسۋيتسيدتىڭ الدىن الۋ بو­يىنشا پروفيلاكتيكالىق ءىس-شارالاردىڭ ساپاسىن باعالاۋ اتلاسى» جانە «جاس ادامنىڭ الەۋمەتتىك-پسيحو­لوگيالىق ءال-اۋقات يندەكسى» ازىرلە­نەدى. بۇدان باسقا، اتالعان قۇجات­تار­دى ازىرلەۋدى ەسكەرە وتىرىپ، جوباعا قاتىسۋشىلار قازاقستاننىڭ ءاربىر ءوڭىرى ءۇشىن ءسۋيتسيدتىڭ الدىن الۋ بويىن­شا ارنايى ءىس-قيمىل جوسپارىن دايىنداپ، وسىنىڭ نەگىزىندە  جاسوسپىرىمدەرگە پسيحولوگيالىق كو­مەك كورسەتۋ ماقساتىندا جەرگىلىك­تى دەڭ­گەيدەگى 100-دەن استام جاتتىقتىرۋ­شىنى، ءبىر مىڭ شاماسىندا اتا-انالار مەن قامقورشىلاردى وقىتۋ ۇيىمداس­تىرىلادى.

اقپارات جانە قوعامدىق دامۋ مينيسترلىگى جاستار جانە وتباسى ىستە­رى كوميتەتىنىڭ توراعاسى شاحماردان باي­مانوۆ جوبانى قورىتىندىلاۋ بارىسىندا حالىقارالىق ۇيىمداردىڭ تاجىريبەسىن دە، مينيسترلىك اتقارىپ جاتقان جۇمىستاردى دا ەسكەرۋ قاجەت­تىگىن العا تارتتى. ال ناتيجەلەر رەسپۋب­ليكانىڭ بارلىق وڭىرلەرىنە تاراتىلۋى قاجەت. سونداي-اق مينيسترلىكتىڭ جىل سايىنعى «قازاقستان جاستارى-2021» بايانداماسىن دايىنداۋى اياسىندا ساراپتامالىق دەرەكتەر كەلتىرىپ، جاس­تار توبىنداعى سۋيتسيدتىك احۋال بو­يىنشا اقپارات ەنگىزۋدى ۇسىندى.

جوبانى ىسكە اسىرۋ كەزىندە 20 مىڭ­نان استام قاتىسۋشىنى تىكەلەي جانە 50 مىڭ ادامدى مۇمكىندىگىنشە قامتۋ كوزدەلىپ وتىر. وسى شارا اياسىندا 1 ملن جاس قازاقستاندىقتى اقپاراتتاندىرۋ جۇمىستارى جوسپارلانعان. 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار