كوروناۆيرۋس • 16 ءساۋىر، 2021

ادامزات سوعىستان گورى ينفەكتسيادان كوپ زارداپ شەكتى

17 رەت كورسەتىلدى

الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا وتكەن جۇزدەسۋدە كلينيكالىق جانە فۋندامەنتالدى مەديتسينا اكادەميگى، س.اسفەندياروۆ اتىنداعى قازۇمۋ ەپيدەميولوگيا كافەدراسىنىڭ جانە قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتىنىڭ پروفەسسورى ساكەن امىرەەۆ كوروناۆيرۋسپەن اۋىرىپ-جازىلعان تۇرعىنداردى كوروناۆيرۋسقا قارسى ۆاكتسينا الۋعا شاقىردى.

عالىمنىڭ سوزىنشە، ەكپە ال­مايىن­شا ادامداردىڭ «يممۋن­دىق اسەرى» ءالسىز بولادى. ال ەك­پە­دەن سوڭ ازاماتتاردىڭ 95%-ىن­­دا كوروناۆيرۋسقا قارسى تۇرا الا­تىن يممۋنيتەت قالىپتاسادى.

«ۆاكتسينالار رەسەيدە نەمەسە قازاقستاندا، ياعني قاي جەردە وندىرىلگەنىنە قاراماستان، جاقسى يممۋندىق اسەرگە يە. سون­دىقتان ءبىزدىڭ مىندەتىمىز – حا­لىققا ۆاكتسينالاۋدان قو­رىق­پاۋ كەرەگىن ءتۇسىندىرۋ. سەبەبى بۇكىل الەمدە ۇجىمدىق يم­مۋنيتەتتى تەك ۆاكتسينالاۋ ار­قىلى قالىپتاستىرا الامىز»، دەدى س.امىرەەۆ. سپيكەر ءوزى دە ۆاكتسينانىڭ ءبىرىنشى كوم­­پونەنتىن العانىن جانە ونىڭ ەشقانداي جاناما اسەرىن باي­قاماعانىن، الايدا جۇ­بايىندا ۆاكتسينالاۋدان كەيىن جەڭىل السىزدىك بولعانىن ايتتى. پروفەسسوردىڭ پايىمىنشا، ءار اعزا ءارتۇرلى، سوندىقتان كەيبىر جاناما اسەرلەردىڭ پايدا بولۋى قالىپتى قۇبىلىس.

«وكىنىشكە قاراي، ءالى دە ۆاك­تسي­نانىڭ تيىمدىلىگىنە سەن­بەي­تىندەر كوپ. تاريحقا جۇگىنسەك، شەشەككە قارسى ۆاكتسينا جاساۋ كەزىندە دە وعان قارسى شىق­قاندار بولعان. الايدا جاپپاي ۆاكتسينالاۋدىڭ ناتيجەسىندە عانا شەشەك اۋرۋىن جەڭۋ قول­دان كەلدى. ۆاكتسينالاۋعا سەنىم­سىزدىك تانىتۋ جاساندى تۇردە قول­دان جاسالىپ وتىر. ءبىز بۇل ما­سە­لەگە وركەنيەتتى تۇردە قا­راۋى­مىز كەرەك جانە ادامزات سوعىس­قا قاراعاندا، ينفەكتسيا­لاردان جاپپاي قىرىلعانىن ۇمىت­پاعانىمىز ءجون. مىسالى، ءبىز تۋ­بەركۋلەزدى مەنينگيتكە قار­­سى بتسج ۆاكتسيناسىن قول­دانا­مىز، ول اعزانى ينفەكتسيا­نىڭ وزىنەن ەمەس، اۋرۋدىڭ اۋىر سالدارىنان قورعايدى. ازىرگە بىزدە ۆاكتسينالاۋدان باسقا كورو­نا­ۆيرۋستان قورعانۋدىڭ ءتيىم­دى ءادىسى جوق»، دەيدى س.امىرەەۆ.

پروفەسسور جۇرگىزىلىپ جات­قان ەگۋ ناۋقانىنا قاراماس­تان، بەتپەردە رەجىمى مەن قور­عانۋ­دىڭ باسقا دا ادىستەرىن ساق­تاۋدى ۇجىمدىق يممۋنيتەت قالىپتاسقانعا دەيىن جالعاس­تىرۋ كەرەك دەپ ەسەپتەيدى. سو­نى­مەن قاتار كوروناۆيرۋس­­­پەن اۋىرىپ-جازىلعان ادامدار ۆاكتسينا الۋدى كەشىكتىرمەۋى كەرەك. ويتكەنى ولاردىڭ انتي­دەنەلەرى ۆاكتسينا العاننان كەيىنگىدەي كۇشتى بولمايدى.

«شىندىعىندا، باسقا اۋرۋ­لارمەن اۋىرعان ادامداردا يممۋنيتەت قالىپتاسادى، بىراق كوروناۆيرۋس جاعدايىندا ولاي ەمەس. كۆي اۋرۋىنان كەيىن جاق­­سى يممۋنيتەت قالىپتاس­پاي­دى. كوپتەگەن قازاقستان­دىق اۋىر فورماسىمەن اۋىردى، بۇل كلي­نيكالىق تۇرعىدان دا­لەل­­دەن­دى. مۇنداي ادامدار قاي­تا­­دان جۇقتىرۋلارى مۇم­كىن، ولار­­دىڭ ينفەكتسيادان كەيىن­گى قور­­عانىس انتيدەنەلەرى ءالسىز كە­لە­دى. ولاردا جاد جاسۋشا­لارى قالىپ­تاسادى، بىراق سونىمەن بىرگە ان­تيدەنەلەر ازايا­دى. ازىر­گە بۇ­كى­ل­­الەمدىك قاۋىم­داس­تىق ۆاك­تسي­­­نانى ەكى رەت ەنگىزۋ كەرەك دەگەن­­گە توقتادى. سوندىق­تان كەرى تار­تىپ ەكپە سالدىرۋدى كە­­شە­­ۋىل­­دەتۋدىڭ ەش قاجەتى جوق»، دەيدى ول.

 

الماتى

 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار