نۇر-سۇلتان قالاسى ەپيدەميولوگيالىق جاعدايدى باعالاۋ ماتريتساسى بويىنشا ءبىر ايدان استام ۋاقىت «قىزىل ايماقتا» تۇر. كۇنىنە كۆي اۋرۋىنىڭ 300-دەن 650-گە دەيىن جاعدايى تىركەلەدى.
الدىڭعى اپتامەن سالىستىرعاندا (2923) ءبىر اپتادا سىرقاتتانۋشىلىقتىڭ (3471) 1,2 ەسە نەمەسە 19%-عا ءوسۋى بايقالادى.
سىرقاتتانۋشىلىقتىڭ ەڭ جوعارى دەڭگەيى ەرەسەكتەر اراسىندا تىركەلەدى, ياعني بارلىق سىرقاتتانعانداردىڭ 79,6%-ىن قۇرايدى, ال بالالار 17,6%-دى, جاسوسپىرىمدەر 2,8%-دى قۇرايدى.
كوروناۆيرۋستىق ينفەكتسيانى تىركەۋدىڭ جانە ونىڭ ءوسۋىنىڭ نەگىزگى سەبەبى تۇرعىنداردىڭ كارانتيندىك شارالاردى ساقتاماۋىنان بولىپ وتىر.
ايتا كەتەيىك, نۇر-سۇلتاندا 1 اقپاننان باستاپ COVID-19-عا قارسى ۆاكتسيناتسيا باستالدى. ۆاكتسيناتسيا — كوروناۆيرۋستىق ينفەكتسياعا قارسى تۇرۋدىڭ جالعىز ءادىسى. ءومىردىڭ قالىپتى جاعدايىنا ورالۋ ءۇشىن ۆيرۋسپەن ءتيىمدى كۇرەسۋدىڭ كەزەڭىنەن ءوتۋ كەرەك.
نۇر-سۇلتان قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى قالا تۇرعىندارىن اتالعان شارالارعا تۇسىنىستىكپەن قاراۋعا جانە شىدامدىلىق تانىتۋعا شاقىرادى. كارانتين رەجيمىن بۇزۋدىڭ سالدارى كوروناۆيرۋس قۇرباندارىنىڭ سانىن ارتتىرۋى مۇمكىن. نەگىزگى قاۋىپ توبىنا سوزىلمالى اۋرۋلارى بار ادامدار جانە اعا بۋىن وكىلدەرى جاتادى. پاندەميا كەزىندە الەۋمەتتىك قاشىقتىق جانە ۆاكتسيناتسيا وتە ماڭىزدى ەكەنىن ۇمىتپاڭىز.
