كوروناۆيرۋستىق ينفەكتسيانىڭ الدىن الۋ, تارالۋ جانە جۇقتىرۋ قاۋپىنە قاراماستان, كەيبىر مەكەمەلەر كارانتيندىك شەكتەۋلەردى جۇيەلى تۇردە بۇزىپ كەلەدى.
14 ساۋىردە تۇنگى ۋاقىتتا ەسىل اۋدانىندا ورنالاسقان «Coffee Vista» كوفەحاناسى بەلگىلەنگەن جۇمىس رەجيمىن ساقتاماي كەلۋشىلەردى قابىلدادى.
وسىعان ۇقساس جاعداي سارىارقا اۋدانىنداعى «Karima» كافەسى مەن «پاناەحالي» اتموسفەرالىق بارىندا دا ورىن الدى.
بايقوڭىر اۋدانىندا جۇمىس ىستەۋىنە تىيىم سالىنعانىنا قاراماستان Respawn ويىن كلۋبى كەلۋشىلەردى قابىلدادى.
جينالعان ماتەريالدىڭ ءبارى سانيتارلىق-ەپيدەميولوگيالىق باقىلاۋ باسقارماسىنا شارا قولدانۋ جانە قۇقىق بۇزۋشىلاردى اكىمشىلىك جاۋاپكەرشىلىككە تارتۋ ءۇشىن تاپسىرىلدى.
ەستەرىڭىزگە سالا كەتەيىك, نۇر-سۇلتان ەپيدەميولوگيالىق احۋالدى باعالاۋ ماتريتساسى بويىنشا قىزىل ايماققا ەنگەنىنە ءبىر ايدان استى. قالاداعى ەپيدەميولوگيالىق جاعداي ءالى دە تۇراقسىز بولىپ وتىر. ەلوردا تۇرعىندارى مەن قوناقتارى سونداي-اق كاسىپكەرلىك سۋبەكتىلەرى كارانتيندىك شارالار مەن سانيتارلىق نورمالاردى تولىقتاي ساقتاۋى ءتيىس, بۇل قاۋىپتى ۆيرۋستىڭ تارالۋ قاۋپىن ازايتادى.
سونداي-اق ەلوردادا حالىقتى كۆي-گە قارسى ۆاكتسيناتسيالاۋ بويىنشا جاپپاي ناۋقان جۇرگىزىلۋدە. بۇل ۇجىمدىق يممۋنيتەتتى دامىتۋعا مۇمكىندىك بەرەدى جانە ءومىردىڭ قالىپتى جاعدايىنا ورالۋعا كومەكتەسەدى.
