پارلامەنت • 15 ءساۋىر، 2021

سەناتورلار ەاەو-نىڭ تىزبەسىنە ەنگىزىلمەگەن ونىمدەردى رەتتەيتىن زاڭ قابىلدادى

7 رەت كورسەتىلدى

سەنات سپيكەرى ماۋلەن اشىمباەۆتىڭ توراعالىعىمەن پالاتا وتىرىسى ءوتتى، دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.

وندا سەنات دەپۋتاتتارى «ەۋرازيالىق ەكونوميكالىق وداقتىڭ تەحنيكالىق رەگلامەنتتەرىندە تالاپتار بەلگىلەنبەگەن ءونىمنىڭ ەۋرازيالىق ەكونوميكالىق وداق شەڭبەرىندەگى اينالىسىنىڭ ءتارتىبى جانە مۇنداي ءونىمنىڭ قاۋىپسىزدىگىن قامتاماسىز ەتۋ قاعيدالارى تۋرالى كەلىسىمدى راتيفيكاتسيالاۋ تۋرالى» زاڭ جوباسىن قاراپ، قابىلدادى.

وسى كەلىسىم ارقىلى مىندەتتى تالاپتاردى بەلگىلەيتىن ەاەو-نىڭ بىرىڭعاي تىزبەسىنە ەنگىزىلمەگەن ونىمدەرمەن قاتار اتالعان تىزبەگە ەنگىزىلگەن، بىراق وداقتىڭ ولارعا قاتىستى تەحنيكالىق ءتارتىبى قابىلدانباعان نەمەسە ءالى كۇشىنە ەنبەگەن ونىمدەردىڭ دە اينالىم ءتارتىبى انىقتالادى. قازىرگى تاڭدا مۇنداي ونىمدەردىڭ كولەمى 15 پايىزدان كەم ەمەس.

اتالعان ونىمدەردىڭ قاۋىپسىزدىگىن ەاەو زاڭناماسىنا سايكەس ءونىمدى وندىرەتىن جانە جەتكىزەتىن جەكە كاسىپكەرلەر، ونىڭ ىشىندە دايىنداۋشىلار، ساتۋشىلار جانە يمپورتتاۋشىلار قامتاماسىز ەتەدى. وسى رەتتە كەلىسىم بيزنەس ءۇشىن ەشقانداي اكىمشىلىك كەدەرگىلەر تۋدىرمايتىنىن اتاپ وتكەن ءجون.

«ەۋرازيالىق ەكونوميكالىق وداقتاعى ينتەگراتسيالىق پروتسەستەردىڭ، تاۋارلاردىڭ، قىزمەتتەردىڭ جانە كاپيتالدىڭ بىرىڭعاي نارىعىن قالىپتاستىرۋ ءۇشىن تەحنيكالىق رەتتەۋ سالاسىندا بىركەلكى قاعيدالاردى بەكىتۋ اسا ماڭىزدى. بۇل وداققا مۇشە ەلدەردىڭ كاسىپكەرلەرىنە تەڭ جاعداي جاساۋ جانە ادال باسەكەلەستىكتى قالىپتاستىرۋ ءۇشىن قاجەت. سونىمەن قاتار، تۇتىنۋشىلار ءۇشىن ءونىمنىڭ قاۋىپسىزدىگىن قامتاماسىز ەتۋ دە ماڭىزدى ەكەنى ءسوزسىز. سوندىقتان بۇگىن قابىلدانعان زاڭ ونىمدەردىڭ بىرىڭعاي تىزبەسىنە ەنگىزىلمەگەن، وداقتىڭ تەحنيكالىق رەگلامەتتەرىمەن رەتتەلمەيتىن تاۋارلاردىڭ اينالىم ءتارتىبىن بەلگىلەيدى. سونىڭ ناتيجەسىندە تۇتىنۋ نارىعىنداعى ءبىر توپ تاۋاردىڭ قاۋىپسىزدىگىن كۇشەيتەتىن قۇقىقتىق نەگىز قالىپتاسادى»، – دەدى ماۋلەن اشىمباەۆ.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار