ەكونوميكا • 15 ءساۋىر، 2021

نەسيەگە پاتەر العاندارعا سالىق جەڭىلدىگى بار

133 رەت كورسەتىلدى

جۇمىس ىستەيتىن ادامنىڭ اي سايىنعى جالاقىسىنان جەكە تابىس سالىعى ۇستالاتىنى بەلگىلى. وتباسى بانكىنەن نەسيەگە باسپانا العاندار وسى سالىقتىڭ تۇرىنە جەڭىلدىك الا الادى.

سالىق كودەكسىنىڭ 349-بابىندا: «سىياقىلار بويىنشا سالىقتىق شەگەرىمدى قازاق­ستان رەسپۋبليكاسىنىڭ رەزيدەنت-جەكە تۇلعاسى ءوز پايداسى­نا جۇمسالعان، قازاقستان رەسپۋب­ليكاسىنىڭ تۇرعىن ءۇي قۇرى­لى­سى جيناق اقشاسى تۋرالى زاڭنا­ما­سىنا سايكەس، قازاقستان رەسپۋبلي­كاسىنىڭ اۋماعىندا تۇرعىن ءۇي جاعدايلارىن جاق­سارتۋ جونىندەگى ءىس-شارالاردى جۇرگ­ىزۋگە تۇرعىن ءۇي قۇرىلىسى جيناق بانكتەرىنەن الىنعان يپوتە­كالىق تۇرعىن ءۇي قارىز­دارى بويىنشا سىياقىنى تو­لەۋ­گە ارنالعان شىعىستار بو­يىن­­­شا قولدانادى»، دەپ اتاپ كور­­­سەتىلگەن. قاراپايىم تىل­مەن ايتقاندا، وسى بانكتەن نە­­سيەگە ءۇي العان ادام بانك بەل­گى­­لە­گەن سىياقى مولشەرىندە سا­لىق جە­ڭىلدىگىن الا الادى. ول ءۇشىن نە ىستەۋ كەرەك؟ قارجى مي­ن­يستر­­لىگى­نىڭ مەملەكەتتىك كىرىس­­تەر كومي­تەتى باسقارما باسشى­سى­­نىڭ ورىنباسارى اينۇر سار­تاەۆانىڭ ايتۋىنشا، يپوتەكامەن باسپانالى بولعان ازامات وتباسى بانكىمەن جاساعان نەسيە شارتى مەن قارىز­دى وتەۋ مەرزىمى بەلگىلەنگەن كەس­تە­نىڭ كوشىرمەلەرىن جانە تولەم تۇبىر­تەگ­ىن الىپ، جۇمىس بەرۋ­شىسىنە تاپ­سىرۋى كەرەك. «بۋح­گال­تەر وسى قۇجاتتاردى قاراپ، بان­­ك­تىڭ قوسقان سىياقى مول­شە­رىن ەسەپ­تەيدى دە، جۇمىسشى­نىڭ جا­لاقى­سىنان سىياقى مول­­شەرىن شە­گە­رىپ، ۇستالاتىن سالىق­ت­ى ازاي­تۋعا ءتيىس. وتباسى بانكى­نەن يپوتەكالىق نەسيە ال­عان جۇ­مىس­شىدان سالىق از ۇس­تا­لا­تىن­دىقتان، ونىڭ جالاقى­سى بۇ­رىنعىدان كوبىرەك تۇسەدى دەگەن ءسوز»، دەيدى اينۇر سارتاەۆا.

وتباسى بانكىندەگى يپوتەكاسىن وتەپ كەلە جاتقان، بىراق بۇ­گىنگە دەيىن سالىق جەڭىلدىگىن الما­عان ازاماتتار دا ءوز قۇقىن پاي­­دالانا الادى. ول ءۇشىن جۇ­مىس بەرۋشىگە ءوتىنىش جازۋ كەرەك. ا.سارتاەۆانىڭ ايتۋىنشا، وتى­نىشتە نەسيەنىڭ وتەلگەن مەر­­زىمى مەن سالىق جەڭىلدىگى قول­دا­­نىل­­ماعان كەزەڭ كورسەتىلۋگە ءتيىس. ەسكەرە كەتەتىن جايت، ءوتىپ كەت­كەن كەزەڭدەر ءۇشىن تەك سوڭعى ءۇش جىل عانا ەسەپكە الىنادى. وسى وتى­نىشكە ساي جۇمىس بەرۋشى ەسەپ جۇر­گىزىپ، جۇمىسشىنىڭ ال­ما­عان اقشاسىن قايتارۋعا مىندەتتى.

سالىق كودەكسىندەگى بۇل جە­ڭىل­دىكتەر باسقا بانكتەردەن يپو­تەكا العان ازاماتتارعا دا قاراس­­تىرىلۋعا ءتيىس بولاتىن. بىراق ازىرشە بۇل سالىق شەگەرىمى كەيىن­گە قالدى. «سالىق كودەكسىنە ەن­گىزى­لۋگە ءتيىس بۇل تۇزەتۋ جالپىعا بىردەي دەكلاراتسيالاۋعا كوشۋدىڭ سوڭعى كەزەڭىمەن تۇسپا-تۇس كەلىپ وتىر. سوندىقتان بۇل اۋقىمدى جۇمىس اياقتالعان سوڭ يپوتەكا ال­عان بارلىق ازاماتقا سالىق جە­ڭىل­­دىگى قاراستىرىلادى دەپ كۇ­تىلۋ­دە. بيىل جالپىعا بىردەي دەك­­­لا­راتسيالاۋدىڭ العاشقى كەزە­ڭى ءجۇرىپ جاتىر، سوڭعى ءتور­تىنشى كەزەڭ 2025 جىلعا جوس­پار­لانعان. سوندىقتان جەكە تۇل­عا­نىڭ وتباسى بانكىنەن باس­قا، ەكىنشى دەڭگەيلى بانكتەر­دەن ال­عان نەسيەسى بويىنشا سالىق شە­گەرىمدەرىن، ياعني جەڭىل­دىك­تە­رىن قولدانۋ 2025 جىلدىڭ 1 قاڭ­تارىنا اۋىستىرىلدى»، دەيدى ا.سارتاەۆا.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار