ءبىلىم • 14 ءساۋىر، 2021

NIS وقۋشىسى پەنسيلۆانيا ۋنيۆەرسيتەتىنەن شاقىرتۋ الدى

180 رەت كورسەتىلدى

نۇر-سۇلتان قالاسىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى دينا جانىبەكوۆا شىرماۋىق ليگاسى ۋنيۆەرسيتەتىنەن شاقىرتۋ الدى. اتاپ ايتقاندا، الەمنىڭ ۇزدىك جوعارى وقۋ ورىندارىنىڭ ءبىرى – اقش-تىڭ پەنسيلۆانيا ۋنيۆەرسيتەتى دينانىڭ وقۋ شىعىندارىن تولىعىمەن وتەيتىن بولادى.

–  پەنسيلۆانيا ۋنيۆەرسيتەتى تۋرالى بۇرىننان بىلەمىن. مەن سەكىلدى كينو سالاسىنا قىزىعاتىن جاستارعا ۋنيۆەرسيتەتتىڭ ۇسىناتىن مۇمكىندىكتەرى پايدالى كۋرستار، ستۋدەنتتەر كلۋبتارى سياقتى قىزىقتى تاعىلىمدامالار وتە كوپ. سونداي-اق مەنى ۋنيۆەرسيتەتتىڭ ورنالاسقان جەرى دە قىزىقتىردى – پەنسيلۆانيا ۋنيۆەرسيتەتى نيۋ-يوركتەن الىس ەمەس، ۇلكەن قالا فيلادەلفيادا ورنالاسقان. بۇل ءوز كەزەگىندە مەن ءۇشىن وتە ماڭىزدى جەلىلىك ورتا قالىپتاستىرادى، – دەيدى دينا.

كەلەشەكتە كينو رەجيسسەرى مەن پروديۋسەرى بولۋدى ارماندايتىن دينا جانىبەكوۆا قازىرگى تاڭدا ماتەماتيكا جانە اعىلشىن ءتىلى پاندەرىن تەرەڭدەتىپ وقۋدا. دارىندى تۇلەكتىڭ جەتىستىكتەرى قاتارىندا حيميا جانە اعىلشىن ءتىلى پاندەرى بويىنشا وليمپيادالارعا، فورتەپيانو بايقاۋلارىنا جانە دەبات تۋرنيرلەرىنە قاتىسىپ العان ماراپاتتارى بار. وعان قوسا، دينا مەكتەپتىڭ ءوزىن–وزى باسقارۋ ۇيىمىنىڭ مۇشەسى بولىپ تابىلادى. مەكتەپىشىلىك ءىس-شارالاردى ۇيىمداستىرۋعا بەلسەندى اتسالىسىپ ءجۇر.

پەنسيلۆانيا ۋنيۆەرسيتەتى –  ەڭ كونە جوعارى وقۋ ورىندارىنىڭ ءبىرى جانە اقش-تاعى العاشقى ۋنيۆەرسيتەت. ءبىلىم ورداسى ەليتالىق شىرماۋىق ليگاسىنىڭ قۇرامىنا كىرەدى. پەنسيلۆانيا ۋنيۆەرسيتەتىمەن اقش-تىڭ كوپتەگەن تاريحي تۇلعالارى مەن ساياساتكەرلەرىنىڭ ەسىمدەرى بايلانىستى. سولاردىڭ قاتارىندا، دونالد ترامپ، يلون ماسك جانە ۋوررەن باففەت تە بار.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار