كوروناۆيرۋس • 14 ءساۋىر، 2021

الماتى ەپيدەميولوگتارى بالالاردىڭ ادامدار كوپ جينالاتىن ورىندارعا بارماۋىن ەسكەرتتى

30 رەت كورسەتىلدى

الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا وڭىرلىك كوممۋنيكاتسيالار قىزمەتىنىڭ ونلاين-بريفينگى كەزىندە ەل حالقىنىڭ ۇشتەن ءبىرى ۆيرۋسقا قارسى يممۋنيتەتكە يە بولعان كەزدە كوروناۆيرۋستىڭ تارالۋ قارقىنى تومەندەيتىنىن ايتتى.

قازىرگى كەزدە قالادا كوروناۆيرۋستى جۇقتىرىپ، اۋىرعاندار سانىنىڭ كوبەيۋى جالعاسۋدا. اۋرۋدى جۇقتىرۋ دەڭگەيىنىڭ تومەندەۋى بۇل قالا تۇرعىندارىنىڭ كوروناۆيرۋستىڭ الدىن الۋ شارالارىن ساقتاۋىنا، سونداي-اق حالىقتىڭ ۆاكتسيناتسياعا قانشالىقتى بەلسەندى قاتىساتىندىعىمەن بايلانىستى. سوندىقتان دا اسەل قالىقوۆا بالالار اراسىندا جۇقتىرۋدىڭ كوبەيۋىنە بايلانىستى اتا-انالاردى ولاردىڭ ادامدار كوپ جينالاتىن جەرلەردە، ونىڭ ىشىندە ساۋدا-ويىن-ساۋىق ورتالىقتارىندا بولۋىنا جول بەرمەۋ شارالارىن قابىلداۋعا شاقىردى. سونىمەن قاتار، ەرەسەكتەرگە كارانتين كەزەڭىندە بالالاردىڭ ۇيدە بوس وتىرماۋىن قامتاماسىز ەتۋ كەرەك.

«ازىرگە الماتىدا كۆي بويىنشا ەپيدەميولوگيالىق كورىنىس وپتيميستىك باعىتتا ەمەس. «2021 جىلدىڭ باسىنان بەرى قالادا 24 378 جۇقتىرۋ وقيعاسى تىركەلدى، سوڭعى تاۋلىكتە 612 جاعداي تىركەلدى. ءىس جۇزىندە 1-13 ءساۋىر ارالىعىندا كوروناۆيرۋستىق ينفەكتسيانىڭ 8301 جاعدايى تىركەلدى»،- دەپ حابارلادى ءا.قالىقوۆا. ونىڭ ايتۋىنشا، كۇننىڭ جىلىندى دەپ بوساڭسۋدىڭ قاجەتى جوق. قورعانۋ شارالارىن ساقتاۋدى جالعاستىرىپ، ۆاكتسيناتسيا قارقىنىن ارتتىرۋ قاجەت. سوندا عانا كوكتەمنىڭ سوڭىندا ناۋرىز جانە ءساۋىر ايلارىمەن سالىستىرعاندا اۋرۋدىڭ ازايعانىنا كوز جەتكىزۋگە بولادى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار