قازاقستان • 14 ءساۋىر، 2021

تۇرعىن ءۇي باعاسى قاشان تۇراقتايدى

69 رەت كورسەتىلدى

يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ مامىردا جىلجىمايتىن م ۇلىك نارىعىنداعى باعانىڭ ءوسۋى تۇپكىلىكتى توقتايتىنىن، باعالار تۇراقتاناتىنىن مالىمدەدى، دەپ حابارلايدى Egemen.kz.

– ءبىز اپتا سايىن جىلجىمايتىن م ۇلىك باعاسىن باقىلاپ وتىرامىز. جاڭا باعدارلاما ەنگىزىلگەننەن كەيىن تۇرعىن ءۇي باعاسى كوتەرىلە باستادى، باستاپقى نارىقتاعى تۇرعىن ءۇي قاڭتاردا 3 پايىزعا، قايتالاما نارىقتاعى تۇرعىن ءۇي 17 پايىزعا قىمباتتادى. ناۋرىزدا باعانىڭ ءوسۋى توقتادى: ءبىرىنشىسى 0،5 پايىزعا، ال ەكىنشىسى 2 پايىزعا قىمباتتادى. ءساۋىر مەن مامىر ايلارىندا ءوسىم توقتايدى، ال ماۋسىم مەن شىلدەدە باعالار تۇراقتانادى دەپ ويلايمىز، – دەدى وسكەنباەۆ.

«وتباسى بانك» باسشىسى ءلاززات يبراگيموۆانىڭ پىكىرىنشە، ەلىمىزدە جىلجىمايتىن م ۇلىككە ۇلكەن سۇرانىس تۋدىراتىن فاكتورلار جوق.

– ءبىز باعالارعا تالداۋ جۇرگىزەمىز جانە الەمدىك كونيۋنكتۋرادا قۇرىلىستا پايدالانىلاتىن شيكىزات پەن ماتەريالدار باعاسىنىڭ وسكەنىن كورىپ وتىرمىز. سونىمەن قاتار، جىلجىمايتىن م ۇلىكتىڭ وزىندىك باعاسىندا ەڭبەك رەسۋرستارىنىڭ قۇنى وتە ۇلكەن ۇلەس الادى. قازاقستانداعى ورتاشا جالاقى ستاتيستيكاسىنا قاراساق، 2020 جىلدىڭ ءتورتىنشى توقسانىنىڭ قورىتىندىسى بويىنشا 233 136 تەڭگە، ال 2019 جىلدىڭ قورىتىندىسى بويىنشا 168 489 تەڭگە بولدى. بۇگىن رەسمي ستاتيستيكا شىقتى، ءبىرىنشى توقساننىڭ قورىتىندىسى بويىنشا نومينالدى ورتاشا جالاقى شامامەن 11 پايىزعا ءوستى. تيىسىنشە، كرانشىلاردىڭ، مونوليت قۇيۋشىنىڭ، قۇرىلىس كومپانيالارىنداعى ارلەۋشىلەردىڭ ەڭبەگى جىلجىمايتىن م ۇلىكتىڭ باستاپقى نارىعىنا اسەر ەتەدى. ءبىز ءوز تاراپىمىزدان تالداۋ جۇرگىزىپ، جىلدىڭ ەكىنشى جارتىسىندا، بۇعان دەيىن بولجاعانىمىزداي، مامىردىڭ سوڭى مەن ماۋسىمنىڭ باسىنان باستاپ باعا نارىعى تۇراقتانادى دەپ ويلايمىز، – دەپ قوستى ول.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار