«سوتقا دەيىنگى تەرگەۋ اياسىندا ءىس بويىنشا بىرقاتار ساراپتامالىق زەرتتەۋلەر تاعايىندالدى. قورىتىندىعا سايكەس, اۆتوبۋس جۇرگىزۋشىسىنىڭ قانىندا ىشىمدىك جانە ەسىرتكى زاتتارى تابىلعان جوق. جول-كولىك وقيعاسى سەبەبىن جانە اۆتوبۋستىڭ تەحنيكالىق جاعدايىن انىقتاۋ ءۇشىن ءتيىستى ساراپتاما تاعايىندالدى», دەدى پروكۋراتۋرا قىزمەتكەرى.
قازىرگى ۋاقىتتا وقيعانىڭ ءمان-جايى انىقتالىپ جاتىر.
ەسكە سالايىق, 27 اقپاندا الماتى پوليتسيا دەپارتامەنتى ءىرى جول-كولىك وقيعاسىنىڭ ءمان-جايىن ايتقان ەدى. ۆەدومستۆو مالىمەتىنە سۇيەنسەك, اۆتوبۋس جۇرگىزۋشىسى كولىكتى باسقارا الماي, Hyundai Elantra اۆتوكولىگىنە سوقتىعىسقان. ودان ءارى ينەرتسيا بويىنشا سەيفۋللين داڭعىلىنداعى جاياۋ جۇرگىنشىلەر جولىنا شىعىپ, باعدارشام مەن جاياۋ جۇرگىنشىلەردى قاعىپ كەتتى. كەيىن اۆتوبۋس Volkswagen Polo ماركالى اۆتوكولىگىمەن سوقتىعىسىپ, ساۋدا ورتالىعى تۇراعىنىڭ كىرەبەرىسىندە توقتادى.
