Cىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ كەزەكتى وتىرىسىندا وبلىس اكىمى ومىرزاق شوكەەۆ وسىنداي دەرەك كەلتىردى. سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ كەڭەسشىسى جازيرا جىلقىشيەۆا, اتالعان اگەنتتىكتىڭ تۇركىستان وبلىسى بويىنشا دەپارتامەنتىنىڭ باسشىسى حاكيم قوشقاليەۆ, رەسپۋبليكالىق «پاراسات جولى» ورتالىعىنىڭ جەتەكشىسى, جازۋشى, قوعام قايراتكەرى سادىبەك تۇگەل, وبلىس اكىمىنىڭ ورىنباسارلارى جانە باسقارما باسشىلارى قاتىسقان جيىندا وبلىستىق مەملەكەتتىك ورگاندار تاراپىنان سىبايلاس جەمقورلىققا قارسى قابىلدانىپ جاتقان شارالار باياندالدى. سونداي-اق زاڭنامالىق جاڭاشىلدىقتار جايىندا ايتىلدى.
«زاڭناماداعى وزگەرىستەرگە سايكەس, مەملەكەتتىك ورگاننىڭ باسشىسى جەمقورلىققا بايلانىستى الدىن الۋ شاراسىن قابىلداماسا, وعان ايىپپۇل سالىنادى. نەمەسە مەملەكەتتىك ورگان, كۆازيمەملەكەتتىك ورگان باسشىلارى جەمقورلىقتان بۇرىن جازاسى بار ازاماتتاردى جۇمىسقا السا, وعان دا ايىپپۇل سالىنادى. زاڭسىز كاسىپكەرلىككە ارالاساتىندار جانە سىيلىق بەرەتىن جەكە نەمەسە زاڭدى تۇلعالار دا ايىپپۇل ارقالايدى. وسىنداي 15 باپ بويىنشا ۋاكىلەتتىلىك بەردى. جالپى سىبايلاس جەمقورلىقتىڭ الدىن الۋعا بايلانىستى بىرنەشە تەتىك بار. تالداۋ, مونيتورينگ جۇرگىزۋ كەرەك. ۇسىنىس بەرۋ كەرەك», دەدى جازيرا جاقسىلىققىزى.
«اشىق بيۋدجەتتىڭ ينتەراكتيۆتى كارتاسى» جوباسى اياسىندا تۇركىستان وبلىسىندا 1352 مەملەكەتتىك مەكەمەنىڭ بارلىعى ءوز بيۋدجەتتەرىن جاريالاعان. وبلىس كولەمىندەگى بارلىق اۋدان, قالالار مەن باسقارمالار تاراپىنان سىبايلاس جەمقورلىق تاۋەكەلدەرىنە 280 ىشكى تالداۋ جۇمىسى جۇرگىزىلگەن. «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس ءبىر تەرەزە قاعيداتى ارقىلى ازاماتتاردىڭ ماسەلەلەرىن كەدەرگىسىز شەشۋ ماقساتىندا وبلىستاعى بارلىق 16 قالا مەن اۋداندا سەرۆيستىك اكىمدىكتەر اشىلعان. ياعني ءوڭىر تولىق سەرۆيستىك فورماتقا كوشكەن. سەرۆيستىك اكىمدىكتەردە تۇرعىن ءۇي كەزەگى, اۋىل شارۋاشىلىعى تەحنيكالارىنا كورسەتىلەتىن قىزمەتتەر, مەكەنجاي تىركەلىمى, جەر قاتىناستارى, الەۋمەتتىك جانە كاسىپكەرلىكتى قولداۋ سالالارى بويىنشا قىزمەتتەر كورسەتىلۋدە. بۇدان بولەك, بۇگىندە وبلىس اكىمىنىڭ تاپسىرماسىنا سايكەس, قالا, اۋدانداردا حالىق سانى ەڭ كوپ ءبىر اۋىلدىق وكرۋگتەن «سەرۆيستىك اكىمدىك» اشۋ ماسەلەسى بويىنشا ءتيىستى جۇمىستار جۇرگىزىلۋدە. ازاماتتاردىڭ بارلىق سىندارلى ساۋالدارىنا جەدەل جانە ءتيىمدى جاۋاپ بەرۋ ماقساتىندا وبلىس ورتالىعىندا ەكىنشى فرونت-وفيس, «پاراساتتىلىق ورتالىعى» اشىلدى. وڭىردە مەملەكەتتىك قىزمەتتىڭ اشىقتىعىن, قولجەتىمدىلىگىن كوزدەيتىن الاڭ قۇرۋ ماقساتىندا «باسقارمالار ۇيىندە» «اشىق اكىمدىك» قۇرىلعان. سونداي-اق حالىققا كەدەرگىسىز قولايلى ورتانى قالىپتاستىرۋ جانە مەملەكەتتىك قىزمەت كورسەتۋدىڭ اشىقتىعىن قامتاماسىز ەتۋ باعىتىندا وبلىس اۋماعىندا 67 مەملەكەتتىك مەكەمە «ورەn space», 84 مەملەكەتتىك مەكەمە فرونت-وفيس ۇلگىسىندە جۇمىس ىستەۋدە. مەملەكەتتىك قىزمەتتەردى تسيفرلاندىرۋ 93%-عا جەتىپ, تۇرمىستىق جەمقورلىق دەڭگەيىن تومەندەتۋگە ءوز سەپتىگىن تيگىزۋدە. جەمقورلىقپەن كۇرەستى كۇشەيتۋ جونىندەگى مەملەكەت باسشىسىنىڭ تاپسىرماسى اياسىنداعى باسىم باعىتتارعا توقتالعان ومىرزاق شوكەەۆ وڭىرلىك ءىس-شارالار جوسپارىنا سايكەس جانە سىبايلاس جەمقورلىقتىڭ الدىن-الۋ ماقساتىندا اتقارىلعان جۇمىستاردىڭ ماڭىزدىلىعىنا توقتالا كەلە, ەڭ ءبىرىنشى الدىن الۋ, ءتۇسىندىرۋ جۇمىسىنا كوبىرەك كوڭىل ءبولىنۋ كەرەكتىگىن ايتتى.
تۇركىستان وبلىسى
