پوليتسيا ۆەدومستۆولارىنىڭ باسشىلارى ەكىجاقتى جانە كوپجاقتى حالىقارالىق شارتتار نەگىزىندە جۇزەگە اسىرىلاتىن ىنتىماقتاستىق باعىتتارىن تالقىلادى.
IT–تەحنولوگيالار سالاسىنداعى ءوزارا ءىس-قيمىلدى ارتتىرۋ, ينتەرنەت-قىلمىستارعا, ونىڭ ىشىندە پاندەميا جاعدايىندا الەمدە كەڭىنەن تارالعان الاياقتىقتارعا قارسى ءىس-قيمىل ماسەلەلەرى قارالدى.
كەزدەسۋگە قاتىسۋشىلار ەسىرتكى بيزنەسىنە قارسى ءىس-قيمىل, پسيحوبەلسەندى زاتتار مەن سينتەتيكالىق ەسىرتكىلەردىڭ جاڭا تۇرلەرى تۋرالى جەدەل اقپارات الماسۋ سالاسىنداعى ىستەردىڭ جاي-كۇيىن تالقىلادى.
سونداي-اق, قازاقستاننىڭ ىشكى ىستەر ءمينيسترى ە.تۇرعىمباەۆ رەسەيدىڭ ىشكى ىستەر ءمينيسترى ۆ.كولوكولتسەۆتى قازاقستاندىق پوليتسيانى رەفورمالاۋ بارىسىمەن تانىستىردى.
كەزدەسۋ قورىتىندىسى بويىنشا ەكى ۆەدومستۆو باسشىلارى بولاشاقتاعى ىنتىماقتاستىقتى انىقتادى.
