قوعام • 13 ءساۋىر، 2021

قوستاناي وبلىسىندا اۋدان اكىمىنىڭ ورىنباسارى سوتتالدى

20 رەت كورسەتىلدى

قوستاناي وبلىسىندا اۋدان اكىمىنىڭ ورىنباسارى وكىلەتتىگىن اسىرا پايدالانعانى ءۇشىن سوتتالدى، دەپ حابارلايدى قازاقپارات قوستاناي وبلىستىق سوتىنا سىلتەمە جاساپ.

سوت اۋدان اكىمىنىڭ ورىنباسارى س.-عا قاتىستى قر قك-ءنىڭ 362-بابى، 4-بولىگى، 3-تارماعى بويىنشا ۇكىم شىعاردى.

«س. جەر كوميسسياسىنىڭ توراعاسى بولا تۇرا، 2020 جىلدىڭ ءساۋىرى مەن تامىزى ارالىعىندا ءتۇرلى سىلتاۋمەن «قوستاناي اۋدانى» سافرونوۆ» پايدالى قازبا ورنىنان توپىراق ءوندىرۋ ىسىمەن اينالىساتىن «رەمدورتەحنيك» جشس ديرەكتورى س.-عا ۋاقىتشا وتەۋلى جەر پايدالانۋ قۇقىعىن قولدانۋعا كەلىسىم بەرمەگەن»،  دەپ ءتۇسىندىردى وبلىستىق سوتتا.

ناتيجەسىندە س. قر جەر كودەكسى تالاپتارىنا قايشى ءوز وكىلەتتىگىن اسىرا پايدالانىپ، «رەمدورتەحنيك» جشس ديرەكتورى س.-نىڭ جەر ۋچاسكەسىن الۋ شارتى رەتىندە زارەچنوە اۋىلىنداعى كوشە بولىگىن گازداندىرۋعا كەلىسىمىن العان.

«سونىمەن قاتار «رەمدورتەحنيك» جشس ديرەكتورى س. 10 820 000 تەڭگە سوماسىندا قاراجات بەرگەن مەردىگەر فيرمانى بەلگىلەگەن. بۇل رەتتە «رەمدورتەحنيك» جشس-نىڭ زاڭدى قۇقىقتارى مەن مۇددەسى بۇزىلىپ، ءىرى كولەمدە ەلەۋلى زيان كەلتىرىلدى»،  دەپ اتاپ ءوتتى سوتتا.

وبلىستىق سوت ءمالىم ەتكەندەي، قك-ءنىڭ 362-بابى 4-بولىگى 3-تارماعى جازانىڭ بالاماسىز ءتۇرىن قاراستىرادى: بەس جىلدان ون جىلعا دەيىن باس بوستاندىعىنان ايىرۋ.

«سوت كۇدىكتىنى كىنالى دەپ تانىپ، وعان 5 جىل 6 اي كولەمىندە ورتا قاۋىپسىزدىكتەگى قىلمىستىق-اتقارۋ جۇيەسىنىڭ مەكەمەسىندە جازاسىن وتەۋدى بەلگىلەدى. قىلمىسكەر ەندى مەملەكەتتىك قىزمەتتە جۇمىس ىستەي المايدى»،  دەپ قورىتىندىلادى قوستاناي وبلىستىق سوتىندا.

ۇكىم زاڭدى كۇشىنە ەنگەن جوق.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار