بيىلعى جىلى اقپان ايىندا الماتىدا Digital Almaty تسيفرلىق فورۋمى بارىسىندا الداعى بەس جىل ىشىندە بارلىق وبلىس ورتالىقتارى مەن رەسپۋبليكالىق ماڭىزى بار قالالار 5G جەلىسىمەن قامتىلاتىنىن ايتىلعان بولاتىن. وسى ورايدا ينتەرنەت ساپاسىن جاقسارتۋ جوباسىنىڭ ارقاسىندا 218 ينتەرنەتسىز ايماقتىڭ ماسەلەسى شەشىلدى. بايان قوڭىرباەۆتىڭ ايتۋىنشا, «قازاقتەلەكوم» اق كومپانياسىمەن بىرلەسىپ الداعى مەرزىمدە الماتى قالاسىنىڭ العاباس (الاتاۋ اۋدانى), المەرەك (تۇركسىب اۋدانى), نۇرشاشقان (تۇركسىب اۋدانى), تاۋسامالى (ناۋرىزباي اۋدانى) شاعىن اۋداندارى ينتەرنەتپەن قامتاماسىز ەتىلەتىن بولادى.
