«قۇرمەتتى قازاقستاندىقتار!
ەلىمىزدىڭ بارشا مۇسىلمان قاۋىمىن قاسيەتتى ورازا ايىنىڭ كىرۋىمەن شىن جۇرەكتەن قۇتتىقتايمىن.
رامازان – ىزگىلىك پەن پاراساتقا, رۋحاني جاڭارۋ مەن تازارۋعا ۇندەيتىن, وتكەننەن قالعان وكپە-رەنىشتەردەن ارىلىپ, قايىرىمدى ىستەر جاسايتىن مەزگىل.
وكىنىشكە وراي, بيىلعى رامازان ايىندا دا پاندەميا جاعدايى ساقتالىپ تۇر. وسى ورايدا, ازاماتتارىمىزدى سانيتارلىق-ەپيدەميولوگيالىق نورما تالاپتارىن ساقتاۋعا جانە ءمۇفتياتتىڭ ۇسىنىمدارىن ورىنداۋعا شاقىرامىن. قاۋىپتى ىندەتتى جەڭىپ شىعۋ ءۇشىن اۋىزبىرلىك پەن سابىر, ءتارتىپ پەن ءتوزىم قاجەت.
قاسيەتتى ايدا تۇتقان ورازالارىڭىز, جاساعان ىزگى امالدارىڭىز, تىلەگەن دۇعا-نيەتتەرىڭىز قابىل بولسىن. دەندەرىڭىزگە ساۋلىق, وتباسىلارىڭىزعا اماندىق, باق-بەرەكە تىلەيمىن», دەلىنگەن قۇتتىقتاۋدا.
