بيىل ەلوردادا ازىق-ت ۇلىك تاۋارلارى باعاسىنىڭ ءوسىمى ايتارلىقتاي تومەن

ەلوردا • 13 ءساۋىر، 2021

ەلوردادا ازىق-ت ۇلىك باعاسى ايتارلىقتاي تومەندەگەن

21 رەت كورسەتىلدى

نۇر-سۇلتان قالاسىندا ازىق-ت ۇلىك تاۋارلارى باعاسىنىڭ ءوسىمى وتكەن جىلعى كەزەڭنەن 6،2 پايىزعا تومەندەپ كەتكەن، دەپ حابارلايدى Egemen.kz

ايىم ءداۋىت

بۇل تۋرالى نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى گۇلميرا ەرمولدينا ايتىپ بەردى.

«جىل باسىنان بەرى نەگىزگى ازىق-ت ۇلىك تاۋارلارى بويىنشا باعانىڭ ءوسىمى بايقالادى. بىراق وتكەن جىلدىڭ ۇقساس كەزەڭىمەن سالىستىرعاندا بۇل ءوسىم 6،2 پايىزعا تومەن. نەگىزىنەن باعانىڭ ءوسۋى كوكونىستەردە، وسىمدىك مايى، تاۋىق ەتىنە جانە ءبىرىنشى سۇرىپتى ۇندا بايقالادى. ادەتتەگىدەي باعانىڭ ءوسۋى قاڭتار مەن مامىر ارالىعىندا بولادى، ال مامىردان باستاپ، جاڭا ەگىن ونىمدەرىنىڭ كەلۋىمەن باعالار تومەندەيدى»، دەدى گ.ەرمولدينا ەلوردا اكىمدىگىندە وتكەن ونلاين بريفينگتە.

سپيكەر باعالاردىڭ وسۋىنە وندىرۋشىلەر شيكىزاتىنىڭ قىمباتتاۋى، بۋىپ-ءتۇيۋ ماتەريالدارى مەن كولىك شىعىندارىنىڭ قىمباتتاۋى جانە دەلدالداردىڭ دا اسەرى بار ەكەنىن ايتتى.

«قالا بويىنشا باعانى تۇراقتاندىرۋدىڭ ەكى تەتىگى ىسكە اسىرىلۋدا: ءبىرىنشىسى – تۇراقتاندىرۋ قورىن قالىپتاستىرۋ، ەكىنشىسى – اينالىم مەحانيزمىندەگى جۇمىس. تۇراقتاندىرۋ قورى بويىنشا ۇن، كۇرىش، قانت ساتىپ الىندى. اكىمدىك ەكىنشى مەحانيزمگە كوپ كوڭىل بولۋدە جانە ساۋدا جەلىلەرىنە جەڭىلدەتىلگەن نەسيە بەرىلەدى. ويتكەنى بىزدە وندىرۋشىلەردىڭ باسىم بولىگى وڭىرلەردە ورنالاسقان، سوندىقتان ءبىز حالىقتى باعا بويىنشا جەڭىلدەتىلگەن نەسيەلەۋمەن بارىنشا قامتۋ ءۇشىن ساۋدا جەلىسىنە باستى نازار اۋدارامىز»، دەدى گ.ەرمولدينا.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز