قازاقستان • 12 ءساۋىر، 2021

«رۋحاني جاڭعىرۋ»: 4 جىل ىشىندە مادەني باعدارلامالار جاڭا سەرپىن الدى

87 رەت كورسەتىلدى

«رۋحاني جاڭعىرۋ» اياسىندا دەمەۋشىلەر 7000 نىساندى سالدى جانە قايتا جوندەۋدەن وتكىزدى، دەپ حابارلايدى Egemen.kz.

بۇگىن، 12 ساۋىردە، «رۋحاني جاڭعىرۋ» باعدارلاماسىنا 4 جىل تولدى. باعدارلاما ىسكە قوسىلعان ساتتەن باستاپ 123 مىڭ ءىس-شارا وتكىزىلدى.

اقپارات جانە قوعامدىق دامۋ مينيسترلىگىنىڭ مالىمەتىنشە، قازىرگى تاڭدا باعدارلامانىڭ التى باعىتى بويىنشا 17 ارنايى جوبا ىسكە اسىرىلۋدا، وڭىرلىك جوبالىق كەڭسەلەردىڭ جۇمىسى جانداندىرىلدى، تالدامالىق جانە ادىستەمەلىك سۇيەمەلدەۋدى قامتاماسىز ەتەتىن قازاقستاندىق قوعامدىق دامۋ ينستيتۋتىنىڭ قىزمەتى جولعا قويىلدى.

باعدارلامانىڭ 3 نەگىزگى قۇندىلىق باعىتى بەكىتىلدى: «تۇلعالىق دامۋ»، «ۇلتتىق بىرەگەيلىك جانە حالىقارالىق مارتەبەنى ارتتىرۋ»، «مەملەكەتتى، ازاماتتىق قوعامدى جانە جەرگىلىكتى قوعامداستىقتى دامىتۋ».

باعدارلامانى ىسكە اسىرۋدىڭ 4 جىلى ىشىندە دەمەۋشىلىك قاراجات ەسەبىنەن 7000 الەۋمەتتىك نىسان سالىندى. وسى باعىتتا وڭىرلىك ينفراقۇرىلىمدىق وبەكتىلەردى دامىتۋعا 13 مىڭنان استام مەتسەناتتار قاتىستى. 4 جىل ىشىندە ەلدەگى قايىرىمدىلىق مادەنيەتى باعدارلاما اياسىندا جاڭا سەرپىن الدى.

«قازاقستاننىڭ ساكرالدى گەوگرافياسى» جوباسى اياسىندا جالپىۇلتتىق ماڭىزى بار تانىمال ورىندار مەن نىساندار ءتىزىمى كەڭەيتىلدى.

قازاقستاننىڭ كيەلى نىساندارىن بۇكىل الەمگە تانىتۋ ماقساتىندا BBC World News تەلەارناسىنىڭ قاتىسۋىمەن «قازاقستاننىڭ كيەلى جەرلەرىنىڭ گەوگرافياسى»، «التىن ادام»، «قوجا احمەت ياسساۋي، ايشا ءبيبى كەسەنەلەرى فيلمدەرى»، «كۇلتەگىن. جاڭا كوزقاراس» فيلمدەرى ءتۇسىرىلدى. فيلمدەر الەمنىڭ التى تىلىنە اۋدارىلىپ، 700 ملن. استام كورەرمەنى «BBC World News»، «Discovery»، «Viasat history»، «National Geographic» تەلەارنالارىندا كورسەتىلدى.

سونىمەن قاتار، «100 جاڭا وقۋلىق» جوباسى بويىنشا كىتاپتار مەملەكەتتىك تىلگە اۋدارىلىپ، ەلىمىزدىڭ 132 جوعارى وقۋ ورنى ءبىلىم بەرۋ پروتسەسىنە ەنگىزىلدى.

بارلىق اۋدارىلعان وقۋلىقتار جوبانىڭ www.100kitap.kz رەسمي سايتىندا ەلەكتروندى فورماتتا جاريالاندى. اۋدارىلعان 100 وقۋلىق اياسىندا بۇگىندە 88 مىڭنان استام قولدانۋشى تىركەلگەن www.OpenU قازاق جانە ورىس تىلدەرىندە بەينە كۋرستار ورنالاستىرىلدى.

سونداي-اق، حالىقارالىق قوعامداستىقپەن بايلانىستى نىعايتۋ ماقساتىندا قىتاي، اقش، تۇركيا، رەسەي، فينليانديا، كورەيا، مالايزيا، ۆەنگريا، شۆەتسيا جانە باسقا دا ەلدەردىڭ ۇلتتىق كىتاپحانالارىندا 34 قازاقستاندىق ادەبيەت جانە مادەنيەت ورتالىعى اشىلدى.

ۇلى اقىن اباي قۇنانباي ۇلىنىڭ 175 جىلدىق مەرەيتويى جانە ءابۋ ناسىر ءال-ءفارابيدىڭ 1150 جىلدىعى اياسىندا بىرقاتار شەت ەلدەردە ەلىمىزدىڭ تاريحي-مادەني مۇراسىن الەمدە ىلگەرىلەتۋگە زور ۇلەس قوسىپ كەلە جاتقان قازاقستاننىڭ مادەني ورتالىقتارى اشىلدى.

الەمدە ورىن العان وزگەرىستەردى ەسكەرە وتىرىپ، باعدارلاماعا بىرقاتار جاڭا ارنايى جوبالار ەنگىزىلدى: «ۇنەم – قوعام قۋاتى» – پراگماتيكالىق ءومىر سالتىن ەنگىزۋ، ء«داستۇر مەن عۇرىپ» – ۇمىت بولعان، بىراق قازىرگى ۋاقىتتا وزەكتى داستۇرلەردى جاڭعىرتۋ، «قۇقىقتىق مادەنيەت» – حالىقتىڭ قۇقىقتىق ساۋاتتىلىعىن ارتتىرۋ، «ەڭبەك - ەلدىڭ مۇراتى» – ءونىمدى ەڭبەكتى ىنتالاندىرۋ، وسكەلەڭ ۇرپاق اراسىندا ەڭبەككە دەگەن سۇيىسپەنشىلىكتى ناسيحاتتاۋ.

2021 جىلدان باستاپ «رۋحاني جاڭعىرۋ» باعدارلاماسى قوعامدىق سانانىڭ ۇلتتىق جاڭعىرتۋ كەزەڭىنە ءوتۋ بويىنشا جول كارتاسى فورماتىنا كوشتى. جول كارتاسىنىڭ ءىس-شارالارى مەن جوبالارى حالىقتىڭ جاس ەرەكشەلىكتەرىنە سايكەس جاسالدى جانە 3 نەگىزگى قۇندىلىق باعىتى بويىنشا، سونداي-اق باعدارلامانى عىلىمي-ادىستەمەلىك، ساراپتامالىق جانە اقپاراتتىق سۇيەمەلدەۋ بويىنشا بولىمدەرگە توپتاستىرىلدى.

سونداي-اق، «رۋحاني جاڭعىرۋ» باعدارلاماسىن ىسكە اسىرۋدىڭ تيىمدىلىگى» تاقىرىبىنا جۇرگىزىلگەن الەۋمەتتىك زەرتتەۋدىڭ قورىتىندىلارى بويىنشا باعدارلامانىڭ التى نەگىزگى باعىتى بويىنشا قوعامدا ورنىقتى كوزقاراستار قالىپتاسقانى بايقالادى.

باسەكەگە قابىلەتتىلىكتى تسيفرلىق ساۋاتتىلىقتى جانە شەت تىلدەرىن مەڭگەرۋ قاجەتتىلىگىمەن بايلانىستىرادى (53،6%)، پراگماتيزمدى ءوز قاراجاتىمەن ءومىر ءسۇرۋ جانە ءوز بولاشاعىن جوسپارلاۋ قابىلەتىمەن (73،2%)، ءبىلىمنىڭ سالتانات قۇرۋىن وقۋدا جانە جوعارى بىلىمدەگى ەڭبەكقورلىقپەن (58،3%)، ۇلتتىق بىرەگەيلىكتى ساقتاۋدى تاريحتى قۇرمەتتەۋمەن جانە ءبىرتۇتاس ۇلتقا جاتۋ سەزىمىمەن (71،4%)، ەۆوليۋتسيالىق دامۋدى زاڭ مەن ازاماتتىق پارىزدى ساقتاۋمەن (77،8%)، ال سانانىڭ اشىقتىعىن وزگەرىستەرگە دايىندىقپەن جانە ۇنەمى ءوزىن-ءوزى جەتىلدىرۋمەن (59،5%) بايلانىستىرادى. 

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار