قوعام • 12 ءساۋىر، 2021

قازاقستاندا عارىشكەرلەر كۇنىنە وراي اكتسيا باستالدى

24 رەت كورسەتىلدى

قازاقستاندا عارىشقا العاشقى ادامنىڭ ۇشقانىنا 60 جىل تولۋىنا وراي «عارىشتى شارلايمىن جۇلدىزدى تاڭدايمىن» اكتسياسى باستالدى، دەپ حابارلايدى Egemen.kz اقپارات جانە قوعامدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ.

اكتسيا «قايىرىمدى ىستەر مارافونى» ۇلتتىق جوباسى اياسىندا ۆولونتەرلەردىڭ باستاماسىمەن وتۋدە. جوبا قازاقستاندىق عارىشكەرلەر ومىرىنەن الىنعان فاكتىلەردى، سونداي-اق قازاقستاندىق عارىش باعدارلاماسىنىڭ پراكتيكالىق ماڭىزدىلىعىن ناسيحاتتاۋعا باعىتتالعان.

قازاقستاندىقتار الەۋمەتتىك جەلىلەردەگى پاراقشالارىندا وتاندىق عارىشكەرلەر مەن ۇلتتىق عارىش باعدارلامالارى تۋرالى قىزىقتى فاكتىلەردى #عارىشتىشارلايمىنجۇلدىزدىتاڭدايمىن حەشتەگىمەن ورنالاستىرادى.

اكتسيانى قولداۋ ماقساتىندا «قايىرىمدى ىستەر مارافونىنىڭ» الەۋمەتتىك جەلىلەردەگى رەسمي پاراقشالارىندا قازاقستاندىق عارىشكەرلەر، عالىمدار مەن عارىش سالاسىنىڭ قايراتكەرلەرى تۋرالى اقپاراتتىق فاكتىلەر مەن اڭگىمەلەر جيناقتالعان باسىلىمدار سەرياسى جاريالانادى. اكتسياعا باستاۋىش سىنىپ وقۋشىلارى دا قاتىسادى. ولارعا #عارىشكەرلەركۇنى حەشتەگىمەن عارىشكەرلەر كۇنىنە ارنالعان سۋرەت بايقاۋى وتكىزىلدى.

ەستەرىڭىزگە سالا كەتەيىك، «قايىرىمدى ىستەر مارافونى» جالپىۇلتتىق جوباسى وسى جىلدىڭ اقپان ايىندا مەملەكەت باسشىسى قاسىم-جومارت توقاەۆتىڭ باستاماسىمەن قازاقستان تاۋەلسىزدىگىنىڭ 30 جىلدىعىن اتاپ ءوتۋ اياسىندا باستالعان بولاتىن. جوبانىڭ ماڭىزدى مىندەتتەرىنىڭ ءبىرى - قايىرىمدىلىققا بەي-جاي قارامايتىن ازاماتتار مەن ۇيىمداردى بىرىكتىرۋ جانە بولاشاقتا قوعام مەن ادامداردىڭ ءومىرىن جاقسى جاققا وزگەرتەتىن جومارتتىق پەن مەيىرىمدىلىك يدەياسىنا نەگىزدەلگەن قوعامداستىق قۇرۋ.

سوڭعى جاڭالىقتار

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

ۇقساس جاڭالىقتار