وتكەن تۇندە ءموبيلدى توپتار كارانتيندى بۇزعان 5 مەكەمەنى انىقتادى. ەسىل اۋدانىندا ورنالاسقان Carreta مەيرامحاناسى بەلگىلەنبەگەن ۋاقىتتا جۇمىس ىستەگەنىمەن قويماي, جۇرتشىلىققا كاليان ۇسىنعان. زاڭ بويىنشا بۇعان قاتاڭ تىيىم سالىنعان.
سونداي-اق الماتى اۋدانىندا كارانتين رەجيمىن ساقتاماعانى ءۇشىن «گرافين» رەستو-بارى مەن «تۇركىستان» كافەسى جاۋاپكەرشىلىككە تارتىلدى. سارىارقا اۋدانىندا ورنالاسقان «مياتا» لاۋندج بارى ساعات 22.00-دەن كەيىن جۇمىس ىستەدى, بۇل جۇمىس رەجيمىن ورەسكەل بۇزۋ بولىپ سانالادى. بۇل مەكەمەنىڭ كەلۋشىلەرىنە دە كاليان ۇسىنىلعان. بايقوڭىر اۋدانىندا شەكتەۋ شارالارىن بۇزعان «Xalva» مەيرامحاناسى انىقتالدى.
جينالعان ماتەريالدار اكىمشىلىك شارالار قابىلداۋ جانە ءتارتىپ بۇزۋشىلاردى جاۋاپكەرشىلىككە تارتۋ ءۇشىن سانيتارلىق-ەپيدەميولوگيالىق باقىلاۋ باسقارماسىنا جولداندى.
نۇر-سۇلتان ەپيدەميولوگيالىق احۋالدى باعالاۋ ماتريتساسى بويىنشا قىزىل ايماققا كىرگەنىنە ءبىر اي بولدى. قالاداعى ەپيدەميولوگيالىق جاعداي ءالى دە تۇراقسىز بولىپ وتىر. ەلوردا تۇرعىندارى مەن قوناقتارى, سونداي-اق كاسىپكەرلىك سۋبەكتىلەرى كارانتيندىك شارالار مەن سانيتارلىق نورمالاردىڭ ءبارىن ساقتاۋى ءتيىس. بۇل قاۋىپتى ۆيرۋستىڭ تارالۋ قاۋپىن ازايتۋعا مۇمكىندىك بەرەدى.
سونداي-اق ەلوردا تۇرعىندارىن كۆي-گە قارسى ۆاكتسينالاۋ بويىنشا بەلسەندى ناۋقان جۇرگىزىلۋدە. بۇل ۇجىمدىق يممۋنيتەتتى دامىتۋعا مۇمكىندىك بەرەدى جانە ءومىردىڭ قالىپتى جاعدايىنا ورالۋعا سەپتىگىن تيگىزەدى.
