ءبىلىم • 12 ءساۋىر، 2021

عىلىم اپتالىعى ءبىلىم بەرۋدەگى جاھاندىق ترەندتەردى تالقىلاۋمەن باستالدى

54 رەت كورسەتىلدى

الەمدىك عىلىم اپتالىعىندا «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ باسقارما ءتورايىمى كۇلاش ءشامشيدينوۆا جانە ەلورداداعى NIS-ءتىڭ حيميا ءپانى مۇعالىمى دينارا بەيسەمباەۆا Nobel Fest الاڭىندا COVID-19-دان كەيىن ءبىلىم بەرۋدەگى جاھاندىق ترەندتەر جايىندا ايتىپ ءوتتى، دەپ حابارلايدى ەgemen.kz.

«كوۆيدتەن كەيىنگى الەمدە ءبىلىم بەرۋدىڭ بولاشاعىن قۇرۋ» پلەنارلىق سەسسياسىندا ەكونوميكالىق ىنتىماقتاستىق جانە دامۋ ۇيىمىنىڭ ءبىلىم بەرۋ جونىندەگى ديرەكتورى، ەىدۇ-نىڭ پاريجدەگى شتاب-پاتەرىنەن PISA تەڭ قۇرىلتايشىسى اندرەاس شليايحەر، سونداي-اق كۇلاش ءشامشيدينوۆا مەن نۇر-سۇلتانداعى Nobel Fest باس ستۋدياسىنان BCPD باس اتقارۋشى ديرەكتورىنىڭ مىندەتىن اتقارۋشى ەلميرا وبري سپيكەرلەر بولدى. ءداستۇرلى ءبىلىم بەرۋدى ترانسفورماتسيالاۋ، ستاندارتتالعان تەستتەر مەن كرەاتيۆتىلىكتىڭ ۇيلەسىمدىلىگى، جوعارى وقۋ ورنى ديپلومىنىڭ جەتىستىككە بالاماسىز جول رەتىندەگى وزەكتىلىگى، جيىرما ءبىرىنشى عاسىردىڭ ديۆەرسيالىق سىن-قاتەرلەرى، تسيفرلىق ءداۋىردىڭ باستى كاسىپتەرى – ونلاين ديالوگتا EdTrends ستراتەگيالىق باسىمدىقتارى تالقىلاندى.

ساراپشىلارعا ارنالعان ارنايى سۇحباتىندا كۇلاش نوعاتايقىزى بارلىق ەلدەردىڭ عالىمدارى مەن پەداگوگتارىن بىرىكتىرەتىن وزەكتى سۇراقتارعا جاۋاپ بەردى: تسيفرلىق داۋىردەگى مۇعالىمنىڭ ميسسياسى، بالالاردىڭ ەموتسيونالدىق ينتەللەكتىسى مەن پسيحولوگيالىق ساۋلىعى، زاماناۋي مەكتەپتەگى ينكليۋزيۆتىلىك، قاشىقتان فورماتتاعى بولاشاق ءبىلىم. لوكداۋن كەزەڭىندەگى نازارباەۆ زياتكەرلىك مەكتەپتەرىنىڭ تاجىريبەسى Nobel Fest قاتىسۋشىلارىنىڭ ەرەكشە قىزىعۋشىلىعىن تۋدىردى.

«قازاقستان مۇعالىمى – 2020» ۇلتتىق سىيلىعىنىڭ گران-پري يەگەرى، Global Teacher Prize سىيلىعىنىڭ امباسسادورى دينارا بەيسەمباەۆا «NIS-تە وقۋ پروتسەسىن قاشىقتان ۇيىمداستىرۋ» سۇرانىسقا يە تاقىرىپتى جالعاستىردى. «جاڭاشىل مۇعالىمدەر: جاڭا ءبىلىم بەرۋ شەشىمدەرىن قالاي قۇرۋ كەرەك» تاقىرىبىنداعى اشىق پىكىرتالاستا دينارا توكتاركانوۆنا قوسىمشا ينفراقۇرىلىمدى قاجەت ەتپەيتىن يننوۆاتسيالىق ءبىلىم بەرۋ شەشىمدەرىنىڭ ناقتى مىسالدارىن ۇسىندى.

ونلاين اپتا اياسىنداعى ەكى باستى وقيعا – بۇگىندە اياقتالىپ ۇلگەرگەن ەكىنشى نوبەل فەستيۆالى Central Asia Nobel Fest جانە  قازاقستان مەن ورتالىق ازيا ۋنيۆەرسيتەتتەرىنە ارنالعان نوبەل دارىستەرىنىڭ اپتالىعى بولىپ تابىلادى.  II نوبەل فەستيۆالى – تمد ەلدەرىندەگى ەڭ ءىرى عىلىمي-كوپشىلىك ءىس-شارالارىنىڭ ءبىرى. فەستيۆال «بولاشاقتى قۇرۋ» ۇرانىمەن وتەدى. فەستيۆال باعدارلاماسى ءۇش نەگىزگى باعىت بويىنشا تەحنولوگيالار مەن يننوۆاتسيالاردى دامىتۋعا باعىتتالعان: مۇمكىندىكتەر ەكونوميكاسى; بولاشاق يندۋسترياسى; EdTrends ء(بىلىم بەرۋ ۇردىستەرى). نوبەل فەستيۆالىن ۇيىمداستىرۋشى – ينكليۋزيۆتى دامۋ قورى. فەستيۆال 8 نوبەل سىيلىعى يەگەرىن، 9 Breakthrough Prize لاۋرەاتىن، بىرقاتار تانىمال ساراپشىلاردى، سونىڭ ىشىندە Google-ءدىڭ عالامدىق ءبىلىم بەرۋ كوشباسشىسى دجەنني ماگيەرا، Ford Motors الەمدىك ترەندتەردىڭ جەتەكشىسى شەريل كونەللي، Bloom Energy ۆيتسە-پرەزيدەنتى ۆەنكات ۆەنكاتارمان سياقتى حالىقارالىق ساراپشىلار قاتىسادى.

الەمدىك عىلىم اپتاسى اياسىندا قاتىسۋشىلار نوبەل سىيلىعىنىڭ لاۋرەاتتارىمەن، تەحنولوگيالىق كومپانيالاردىڭ جەتەكشىلەرىمەن جانە الەمدىك دەڭگەيدەگى عالىمدارمەن ۇيىمداستىرىلاتىن دارىستەرگە، سەمينارلارعا جانە ينتەراكتيۆتى پىكىرتالاستارعا تەگىن قول جەتكىزە الادى.

سوڭعى جاڭالىقتار

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار