«كوروناۆيرۋس جۇقتىرعاندار سانى قوستاناي مەن تۇركىستان وبلىستارىنان باسقا قازاقستاننىڭ وزگە وڭىرلەرىندە ءوسىپ جاتىر. ەل بويىنشا سىرقاتتانۋشىلىقتىڭ 61 پايىزى نۇر-سۇلتان, الماتى قالاسىنا جانە الماتى وبلىسىنا تيەسىلى. ساۋىردە ەپيدەميالىق جاعداي ايتارلىقتاي ناشارلادى. ءساۋىردىڭ العاشقى 11 كۇنىندە كوروناۆيرۋستىڭ 24 955 جاعدايى تىركەلدى. ناۋرىزدىڭ وسى كەزەڭىمەن سالىستىرعاندا ۆيرۋس جۇقتىرۋ دەرەگى ءۇش ەسە ءوستى. قازىر تاۋلىگىنە 2 800 ناۋقاس تىركەلۋدە», دەدى مينيستر.
سونداي-اق ول كوروناۆيرۋستان قايتىس بولعانداردىڭ سانى دا كوبەيگەنىن اتاپ ءوتتى. اتاپ ايتقاندا ناۋرىزدا اقپانمەن سالىستىرعاندا ىندەتتەن قايتىس بولعاندار سانى 1,4 ەسە ءوستى. ءولىم جاعدايلارىنىڭ 57 پايىزى نۇر-سۇلتان, الماتى, الماتى وبلىستارىنا تيەسىلى.
