ەسكە سالا كەتەيىك, اقتوبە وبلىسى, العا اۋدانى, بەستاماق اۋىلىندا ورنالاسقان «پاريجسكايا كوممۋنا XXI» جشس-دا ەكولوگيالىق زاڭنامانىڭ بۇزىلۋىنا بايلانىستى سوت ۇكىمىمەن 7 ميلليارد تەڭگە كولەمىندە ايىپپۇل سالىنعان ەدى.
سوتتىڭ شەشىمىمەن اقتوبە وبلىستىق ەكولوگيا دەپارتامەنتىنىڭ لاس سۋدى توگۋ مەن كوڭ ساقتاۋ قىزمەتىن توقتاتۋ تۋرالى تالاپ-ارىزى دا قاناعاتتاندىرىلدى. ەكى شەشىم دە قازىرگى تاڭدا كۇشىنە ەندى.
«سوت ورىنداۋشىلارى سەرىكتەستىككە لاس سۋدى توگۋ جانە كوڭ قويماسىنىڭ جۇمىسىن توقتاتۋ تۋرالى حابارلاما جولدادى. الايدا «پاريجسكايا كوممۋنا XXI» جشس تاراپىنان سوت شەشىمدەرىن ورىنداۋ بويىنشا ءتيىستى شارا قابىلدانبادى جانە ولاردى ورىنداۋعا نيەت بىلدىرمەدى. سوت ورىنداۋشىلارى قۇبىرلاردى دانەكەرلەپ, كوڭ قويماسىنىڭ ەسىگىنە ق ۇلىپ سالدى», دەدى ءباسپاسوز قىزمەتىنىڭ وكىلى.
قازىرگى كەزدە شوشقا فەرماسىنىڭ يەسى گايك تەرتەريان ۇيقاماقتا وتىر. وعان قاتىستى قىلمىستىق تەرگەۋ باستالدى.
