مەديتسينا • 11 ءساۋىر، 2021

11 ءساۋىر – بۇكىلالەمدىك پاركينسون دەرتىمەن كۇرەس كۇنى

13 رەت كورسەتىلدى

بۇل كۇن دۇنيەجۇزىلىك دەنساۋلىق ساقتاۋ ۇيىمىنىڭ باستاماسىمەن 1997 جىلدان بەرى اتالىپ وتىلەدى. اۋرۋعا ونى كلينيكالىق تۇرعىدا انىقتاعان دارىگەر دجەيموس پاركينسوننىڭ ەسىمى بەرىلگەن، دەپ حابارلايدى Egemen.kz

پاركينسون قانداي اۋرۋ، الدىمەن سوعان تۇسىنىكتەمە بەرەيىك. ول – قيمىل-قوزعالىستىڭ باياۋلاۋىمەن سيپاتتالاتىن سوزىلمالى اۋرۋ. ميدىڭ ورتالىق جۇيەسىندەگى جۇيكە تالشىقتارىنىڭ قىزمەتى بۇزىلعاندا ادام وسىنداي كەسەلگە ۇشىرايدى. بۇل اۋرۋ كوبىنە جاسى ەگدە تارتا باستاعان ادامداردىڭ اراسىندا ءجيى كەزدەسەدى. الايدا، بۇگىندە بۇل كەسەل دە جاسارىپ بارادى. اۋرۋدى اسقىندىرماي الدىن الماسا، ناۋقاستىڭ باسقا دا اعزالارى جانسىزدانىپ، ونىڭ سوڭى مۇگەدەكتىككە اكەلىپ سوقتىرۋى مۇمكىن. ونىڭ نەگىزگى بەلگىلەرىن ادام قولىنىڭ دىرىلدەۋىنەن، قوزعالىسىنىڭ باسەڭدەۋىنەن، ءتىپتى، جۇرىسىنەن جاڭىلىپ، بوگەلىپ قالۋىنان بايقاۋعا بولادى.

دەرت تۇقىم قۋالايدى. كەزىندە فرانتسۋز نەۆرولوگى جان شاركونىڭ كومەگىمەن انىقتالعان اۋرۋدىڭ ءتۇپ-توركىنىن بريتاندىق پاركينسون تۇبەگەيلى زەرتتەگەن. ونىڭ 1817 جىلى جازعان ء«دىرىل ءپاراليچى تۋرالى» ەسسەسى دە بار.

ماماندار بۇل اۋرۋدى سول دارىگەردىڭ ەسىمىمەن اتاۋدى ءجون كورگەن. الەمدە بۇل اۋرۋ جىل وتكەن سايىن كوبەيىپ بارادى. ماسەلەن، دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا 2030 جىلدارعا قاراي جەر شارىندا پاركينسون اۋرۋىنا شالدىققاندار سانى 5 ميليوننان 8،7 ميلليونعا دەيىن جەتۋى مۇمكىن.

اسىرەسە، وڭتۇستىك شىعىس ازيا، لاتىن امەريكاسى مەن افريكادا بۇل اۋرۋمەن اۋىراتىنداردىڭ سانى ارتا تۇسەدى دەگەن بولجام جاسالۋدا. پاركينسون اۋرۋى بويىنشا ەپيدەميولوگيالىق زەرتتەۋ 1969-1971 جىلدار ارالىعىندا كسرو-نىڭ ءتۇرلى ايماعىندا ورنالاسقان 6 قالادا جۇرگىزىلگەن ەكەن. سوندا 100 مىڭ تۇرعىنعا شاققاندا 63،9 پاركينسون اۋرۋى تىركەلىپتى.

كەيىنگى ون جىلداعى مالىمەت بويىنشا بۇل كورسەتكىش 139،9-عا كوتەرىلگەن. ال، قازاقستاندا كۇنى بۇگىنگە دەيىن 23 مىڭ ناۋقاس تىركەلگەن. ولاردىڭ قاتارىنا جىل سايىن انىقتالاتىن جاڭا 1200 ناۋقاستى تاعى قوسىڭىز.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار