شاھارداعى ەپيدەميالىق احۋالدى رەتتەۋگە باعىتتالعان جاڭا قۇجاتتا نەگىزىنەن IV توقسانداعى ءبىلىم بەرۋ فورماتىنا بىرقاتار وزگەرىس ەنگىزىلگەن.
اتاپ ايتقاندا ءبىلىم وبەكتىلەرىندە وقىتۋدى ۇيىمداستىرۋ ءتارتىبى بىلاي بەلگىلەنگەن:
- 19 ساۋىردەن باستاپ اتا-انالاردىڭ ءوتىنىشى بويىنشا وقۋشى سانى 300-گە دەيىن, سىنىپتاعى بالا سانى 10 ادامنان اسپايتىن قالالىق مەكتەپتەردە بالالار ءداستۇرلى فورماتتا وقيدى.
- ءبىلىم وبەكتىلەرىنىڭ جۇمىسىن قاشىقتان وقىتۋ تارتىبىندە ۇيىمداستىرۋ كوزدەلگەن. مۇندا تەك مەكتەپ ءبىتىرۋشى سىنىپ (9, 11 (12) سىنىپتار) وقۋشىلارىنىڭ اتا-انا ءوتىنىشى بويىنشا مەكتەپكە بارىپ وقۋىنا رۇقسات ەتىلگەن. ولار ساباقتى ارالاس فورماتتا (پاندەردىڭ 70% - ءداستۇرلى فورماتتا, 30% - قاشىقتان) وقيدى. سىنىپتا 15 ادامنان ارتىق بولماۋى كەرەك.
ءبىلىم وبەكتىلەرىنىڭ جۇمىسى دەنساۋلىق ساقتاۋ ءمينيسترىنىڭ 2020 جىلعى 28 تامىزداعى №قر دسم-98/2020 بۇيرىعىنىڭ 10-تاراۋىن ساقتاي وتىرىپ رۇقسات ەتىلەدى.
ءبىلىم وبەكتىلەرىندە COVID-19 جاعدايى تىركەلگەن كەزدە وبەكتىنى كارانتينگە جابۋ وسى قاۋلىنىڭ №1 قوسىمشاسىنا سايكەس جۇرگىزىلەدى.
جوعارى وقۋ ورىندارى مەن كوللەدجدەردىڭ ءبىرىنشى كۋرس ستۋدەنتتەرىن قاشىقتان وقىتۋ جالعاسادى.
ءبىلىم مەكەمەلەرىندە ساباقتان تىس ۋاقىتتا وقۋشىلاردىڭ جەكە وقۋىن ۇيىمداستىرۋعا تىيىم سالىنادى.
مەنشىك نىسانىنا قاراماستان, مەكتەپكە دەيىنگى ۇيىمداردا كەزەكشى توپتاردىڭ جۇمىسىن ءار توپتا 15 بالادان ارتىق ەمەس ەتىپ تولتىرىپ ۇيىمداستىرۋعا رۇقسات ەتىلگەن. جاڭا كەزەكشى توپتاردى اشۋعا تىيىم سالىنادى.
باس سانيتاردىڭ جاڭا قاۋلىسى 12 ءساۋىر كۇنى ساعات 00.00 باستاپ كۇشىنە ەنەدى.
