پرەزيدەنت • 09 ءساۋىر، 2021

پرەزيدەنت عارىش سالاسىنىڭ ماماندارىنا ريزاشىلىعىن ءبىلدىردى

16 رەت كورسەتىلدى

بۇگىن «بايقوڭىر» عارىش ايلاعىندا يۋ.گاگاريننىڭ عارىشقا العاشقى ۇشۋىنىڭ 60 جىلدىعىنا ارنالعان سالتاناتتى ءماجىلىس ءوتتى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook-تەگى پاراقشاسىندا جازدى، دەپ حابارلايدى Egemen.kz.

مەملەكەت باسشىسى قاسىم-جومارت كەمەل ۇلى وسى ايتۋلى وقيعاعا بايلانىستى قۇتتىقتاۋ جولدادى. پرەزيدەنتتىڭ قۇتتىقتاۋ حاتىن ۇكىمەت باسشىسى اسقار مامين وقىپ بەردى.

«قۇرمەتتى عارىش سالاسى ماماندارى جانە ارداگەرلەر! سىزدەردى الدا كەلە جاتقان كاسىبي مەرەكەلەرىڭىز – عارىشكەرلەر كۇنىمەن قۇتتىقتايمىن!

60 جىل بۇرىن ادامزات تاريحىندا ەرەكشە ماڭىزى بار ايتۋلى وقيعا بولدى. عارىش كەڭىستىگىنە جانقيارلىقپەن تۇرەن سالىندى.  كەڭەس عارىشكەرى يۋري الەكسەەۆيچ گاگاريننىڭ كوك جۇزىنە سامعاپ، اسپان الەمىنە العاش جول اشۋى بۇكىل الەمدىك عىلىمنىڭ ايرىقشا سەرپىنمەن قارىشتاپ دامۋىنىڭ جارقىن كورسەتكىشىنە اينالدى. بۇل تەڭدەسسىز تاريحي قادام ءبىزدىڭ ەلىمىزدە، قازاقستاننىڭ قاسيەتتى توپىراعىندا جاسالدى.

65 جىلدان بەرى الەمدەگى ەڭ ءىرى عارىش ايلاعى بولىپ سانالاتىن «بايقوڭىردان» وسى ۋاقىتقا دەيىن 150 عارىشكەر كوككە كوتەرىلىپ، عالامنىڭ شەكسىز كەڭىستىگىن باعىندىرىپ قايتتى. ولاردىڭ قاتارىندا قازاق عارىشكەرلەرى توقتار اۋباكىروۆ، تالعات مۇساباەۆ جانە ايدىن ايىمبەتوۆ بار.

عالىمدار مەن كونسترۋكتورلاردىڭ، سىناقشىلار مەن ينجەنەرلەردىڭ ەرەن ەڭبەگىسىز عارىشتى يگەرۋ مۇمكىن ەمەس. وسىعان وراي، عارىش سالاسىنىڭ ماماندارى مەن ارداگەرلەرىنە شىنايى ريزاشىلىعىمدى بىلدىرەمىن. سىزدەردىڭ كاسىبي بىلىكتىلىكتەرىڭىز بەن ادال ەڭبەكتەرىڭىزدىڭ  ارقاسىندا زاماناۋي عارىش سالاسى بۇگىنگى تاڭدا لايىقتى دامىپ كەلەدى.

قازاقستان مەن رەسەيدىڭ بەلسەندى ءارى جەمىستى ىنتىماقتاستىعى عارىشتى زەرتتەۋ جانە عارىشقا ۇشۋ سالاسىنداعى بىرلەسكەن جوبالار مەن باعدارلامالاردى جۇزەگە اسىرۋعا مۇمكىندىك بەرەتىنىنە سەنىمىم مول.

سالتاناتتى جيىنعا قاتىسۋشىلارعا زور دەنساۋلىق، باق-بەرەكە جانە جاڭا تابىستار تىلەيمىن!» دەلىنگەن قۇتتىقتاۋدا. 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار