رۋحانيات • 09 ءساۋىر، 2021

«رۋحاني جاڭعىرۋ» باعدارلاماسى قالاي جۇزەگە اسىرىلىپ جاتىر؟

28 رەت كورسەتىلدى

بۇگىن اقپارات جانە قوعامدىق دامۋ ءمينيسترى ايدا بالاەۆانىڭ توراعالىعىمەن «رۋحاني جاڭعىرۋ» باعدارلاماسىنىڭ ناتيجەلەرى جانە پەرسپەكتيۆالارى بويىنشا ونلاين كەزدەسۋ ءوتتى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

ءىس-شاراعا ءوڭىر اكىمدەرىنىڭ ورىنباسارلارى، «رۋحاني جاڭعىرۋ» ققدي باسشىلىعى، جوبالىق كەڭسەلەر ۇيلەستىرۋشىلەرى جانە ساراپتامالىق كەڭەس وكىلدەرى قاتىستى.

ايدا بالاەۆا ىسكە اسىرىلۋىنا 12 ساۋىردە 4 جىل تولاتىن باعدارلاما اياسىندا جۇرگىزىلگەن جۇمىسقا نازار اۋداردى. باعدارلامانىڭ نەگىزگى ناتيجەلەرى جانە وڭىرلەردىڭ وسى باعىتتا قوسقان ۇلەسىن اتاپ ءوتتى.

سونىمەن قاتار، مينيستر قاتىسۋشىلارعا «رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ جاڭا باسقارما توراعاسى اسىلبەك ەسەنباەۆتى تانىستىردى.

ء«بىز بۇگىن بىرگە جينالىپ، وتكەنگە ەسەپ بەرىپ، بولاشاق جوسپارلارمەن ءبولىسۋدى ءجون كوردىك. قوعامدىق تالقىلاۋدىڭ، ساراپشىلار پىكىرىنىڭ ماڭىزى قاشاندا زور. سوندىقتان، بۇگىنگى وتىرىستا باعدارلامانىڭ مازمۇنى مەن ماڭىزى جايلى ناقتى وي-پىكىرلەر، ۇسىنىستار ايتىلادى دەپ سەنەمىن»، دەپ اتاپ ءوتتى ايدا بالاەۆا.

كەزدەسۋ بارىسىندا باعدارلامانىڭ بارلىق رەسپۋبليكالىق جانە جەرگىلىكتى دەڭگەيدەگى مەملەكەتتىك ورگانداردىڭ ءتيىمدى قىزمەتىن تالاپ ەتەتىن جاڭا كەزەڭگە ءوتۋى ايتىلدى. 2021 جىلدان باستاپ «رۋحاني جاڭعىرۋ» باعدارلاماسى ۇلتتىق جاڭعىرۋ كەزەڭىنە ءوتۋدىڭ جول كارتاسى فورماتىنا اۋىستى.

جول كارتاسى ەلباسى نۇرسۇلتان نازارباەۆتىڭ باعدارلامالىق ماقالاسى نەگىزىندە، سونداي-اق قاسىم-جومارت توقاەۆتىڭ قازاقستان حالقىنا جولداۋىندا جانە «تاۋەلسىزدىك بارىنەن قىمبات» ماقالاسىندا ايتىلعان يدەيالارى نەگىزىندە ازىرلەندى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار