كوروناۆيرۋس • 09 ءساۋىر، 2021

كوروناۆيرۋس ۆاكتسيناسى ورازانى بۇزبايدى - جاننا پىراليەۆا

34 رەت كورسەتىلدى

نۇر-سۇلتان قالاسىنىڭ باس مەملەكەتتىك سانيتارلىق دارىگەرىنىڭ ورىنباسارى جاننا پىراليەۆا ونلاين بريفينگ بارىسىندا حالىقتى كۆي-عا قارسى ۆاكتسيناتسيالاۋ ورازانى بۇزبايتىنىن اتاپ ءوتتى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

«COVID-19 ۆاكتسيناسى ورازانى بۇزبايدى. سەبەبى ورازا كەزىندە زات اس قورىتۋ جۇيەسىنە اۋىز نەمەسە مۇرىن ارقىلى ەنسە، ول بۇزىلادى. ال ينەكتسيا جانە كوروناۆيرۋسقا قارسى ۆاكتسينا ەنگىزۋ جاعدايىندا مۇنداي ەشنارسە بولمايدى»، دەدى جاننا پراليەۆا.

سونداي-اق ول قالالاردا قوسىمشا ەگۋ نۇكتەلەرى قۇرىلعانىن ەسكە سالدى. سول سياقتى ءىرى ساۋدا ورتالىقتارىندا جاپپاي ۆاكتسيناتسيا جۇرگىزۋ جوسپارلانىپ وتىر. وسىعان بايلانىستى قاسيەتتى رامازان ايىندا ورازا ۇستاعان ءاربىر ەلوردالىقتىڭ COVID-19-عا قارسى ەكپە الۋعا جانە ءوزىن اۋرۋدان قورعاۋىنا مۇمكىندىگى بار.

«ەلوردانىڭ ءاربىر تۇرعىنى قالاداعى جانە جالپى ەلىمىزدەگى كوروناۆيرۋستىق ينفەكتسيا بويىنشا بۇگىنگى جاعدايدىڭ اۋىرلىعىنا ءمان بەرۋى قاجەت. ءاربىر ازامات ورازا ۇستايتىن جاقىنىن COVID-19 ينفەكتسياسىن جۇقتىرۋدان قورعاۋى كەرەك. ال بۇل ءۇشىن ءتيىستى ساقتىق شارالارىن ساقتاۋ قاجەت. ناقتىراق ايتقاندا قوعامدىق ورىنداردا بەتپەردە كيۋ، الەۋمەتتىك قاشىقتىقتى ساقتاۋ، بۇقارالىق ءىس-شارالار ۇيىمداستىرماۋ جانە وعان قاتىسپاۋ»، دەپ قوستى سپيكەر.

سونىمەن قاتار جاننا پىراليەۆا رامازان ايىندا ورازا ۇستاعىسى كەلەتىن ادام دارىگەردىڭ كەڭەسىن الۋى قاجەت ەكەنىن ايتتى.

«قاۋىپ-قاتەرگە دۋشار بولعان ادامدار، ياعني جاقىندا ءCOVىD-19 ينفەكتسياسىمەن اۋىرعان، سوزىلمالى اۋرۋلارى بار، قالقانشا بەزىنىڭ پروبلەمالارى بار قارتتار، جۇكتى ايەلدەر رامازان ايىندا ورازا ۇستاعىسى كەلەدى. مۇنداي جاعدايدا دارىگەرمەن وتىز كۇندىك ورازانىڭ ورىندىلىعى تۋرالى كەڭەسىن الۋى قاجەت»، دەدى سپيكەر.

جاننا پىراليەۆا ءوز سوزىندە ورازا ۇستاۋشىلاردا اۋرۋدىڭ العاشقى بەلگىلەرى ءبىلىنىپ، السىزدىك، ءيىس سەزبەۋ سەكىلدى بەلگىلەرى پايدا بولعان كەزدە مەديتسينالىق كومەككە جۇگىنىپ، دارىگەردىڭ كەڭەسىمەن ورازانى توقتاتۋى كەرەك ەكەنىن اتاپ ءوتتى.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

ۇقساس جاڭالىقتار