فورۋمنىڭ نەگىزگى تاقىرىبى – «تۇراقتى دامۋدىڭ ەكونوميكالىق, الەۋمەتتىك جانە ەكولوگيالىق اسپەكتىلەرىنە ىقپال ەتەتىن COVID-19 پاندەمياسىنان كەيىنگى تۇراقتىلىق پەن ومىرگە توزىمدىلىكتى قايتا قالپىنا كەلتىرۋ».
اقپارات جانە قوعامدىق دامۋ ءمينيسترى ايدا بالاەۆا ءوزىنىڭ بەينە ۇندەۋىندە قازاقستان پرەزيدەنتى ق.ك.توقاەۆتىڭ بۇۇ باس اسسامبلەياسىندا ايتقان ۆولونتەرلەردى جۇمىلدىرۋدىڭ حالىقارالىق جىلىن جاريالاۋ تۋرالى قازاقستاننىڭ باستاماسىن قولداۋعا شاقىردى.
سونداي-اق, اقدم باسشىسى 2021 جىلى ەكولوگيالىق اعارتۋ سالاسىندا بىرلەسكەن جاڭا جوبالاردى جۇزەگە اسىرۋدى ۇسىندى.
«ەلدىڭ تۇراقتى دامۋىنىڭ ماڭىزدى نەگىزى قوعامنىڭ ەكولوگيالىق اعارتىلۋى, قوعامنىڭ ەكولوگيالىق مادەنيەتى بولىپ تابىلادى. مينيسترلىك 2021 جىلى بۇۇ ەلدەرىنىڭ جاستارىن تارتا وتىرىپ, «تازا پلانەتا» بىرلەسكەن ەكولوگيالىق اكتسياسىن وتكىزۋدى ۇسىنادى», دەدى ا.بالاەۆا.
سونىمەن قاتار, مينيستر وزبەك تاراپىنىڭ بۇۇ الاڭىندا جاستار ماسەلەلەرى بويىنشا دوستاستىق توبىن قۇرۋ جانە بۇۇ-نىڭ جاستار قۇقىقتارى تۋرالى حالىقارالىق كونۆەنتسيا جوباسىن ىلگەرىلەتۋ تۋرالى باستاماسىن قازاقستان قولدايتىنىن اتاپ ءوتتى.
